喪屍之逆襲

大神

第十八集  partner forever
銀狼:『嘩，咩黎架，快d開車啦頂』
ham:『走呀走呀.......你開車，我射條友先，可能咁就追唔到上黎架啦，改造人你話丫(佢以為是改造人)』
車子以高速行走，怪物已掉下剛才口中的獵物，用著跟車子差不多的速度追趕著
ham就用著重機不停掃著怪物，而且還扔了一個手榴彈，可惜怪物全都避開了
正當怪物距離車子四米左右，怪物跳起上來，想跳到車子上。當然ham不會讓他得逞的，就用shoot canon射了他一下，整個就向後飛去
(解釋一下，shoot canon是一種沒有殺傷力，可以令物件飛遠的槍枝，而由於子彈取於空氣，所以無限發子彈，但缺點是每射完一下要等半分鐘才可以再射)
當然，怪物落地後再追趕著他們，但距離都拉開了二十米多，他們亦已經駛至沒有濃霧的地方，漸漸看清怪物的模樣
基本上只是個高大的人，口裡充滿血液，(就是剛才便利店門店那隻)和便利店時不同的是，雙手邊成了像獵豹一樣，牙齒盡是利牙，令人不寒而慄
ham:『嘩，條友都幾似人喎呀』
銀狼:『邊度邊度??』(銀狼想看看怪物)
ham:『繼續開車啦，撞左我就打尻死你』
銀狼:『....想睇下都咁惡』
正當用完重機，開始感到無望時，一個鐵網將怪物罩住了
ham:『咦，停車，倒後!!』
回去看到一些外國軍人，每一個手持武器，而有一些怪物般，但好像是有意識的，就令鐵網中的怪物動也不能動
ham和銀狼皆感到怪異，為什麼有外國軍人幫他們的.......
他們感到詫異的時侯，裡面走出了一個白髮的軍人
軍人:『你好，我叫做史密斯』
ham:『你識講中文既?』
史密斯:『我諗唔一定香港人先識講既』
ham:『點解......你要救我地??你地係咩人』
史密斯:『哦........係咁既，原本我地係美軍，後來編左去做夫人既軍人，而家夫人叛變左，我地都跟左佢』
ham:『咁同救我地有咩關係先??』
史密斯:『哦....夫人指名叫我地協助你地渡過呢個難關，因為鐵網裡面既，唔係咩野怪物，係chris』
ham&銀狼高叫:『下!!!!!!!!!!!!!!!!!』
史密斯:『唔駛去到咁高音既，我地夫人話佢有辦法令佢恢復原狀』
ham:『你地夫人係邊位呀，咁架勢』
史密斯:『奇怪，夫人明明話見過你地.......呀，佢話佢係你地面前叫做智』
ham&銀狼:『下!!!!!!!!!!!!!!』(再次發出高呼)
史密斯:『fuck shit，my ear......頂你，唔好再咁叫好冇呀，想整聾我咩』
ham:『冇咁易聾下話!!!總之你地而家打算點處置chris呀』
史密斯:『我地會帶佢地返夫人既基地，放心，都係係香港，呢d武器係夫人叫我地俾你既(之後出了一大堆超實用武器)』
ham:『嘩，正呀!!!!!(在這時侯，銀狼已經拿完他想要的武器)你個死仔丫......』
史密斯:『係，仲有一樣，就係呢架好實用既越野車，佢唔似其他越野車咁，佢改裝過，唔易拎起之餘又快，而且成架車連貫，一d多餘空位都冇，仲附有機槍....』
ham:『得啦得啦，咁你地走得啦』
史密斯:『仲有最後一樣野，就係夫人叫我地同你地講，話佢好唔鐘意叫銀狼果個，即係你(指著銀狼)本來想殺左你既，但夫人驚ham悶，所以唔殺』
銀狼心想:::真係好彩ham係我隔離........如果唔係我死左好耐
史密斯:『就係咁啦，祝你一路平安^^』
ham:『喂，我剩係問多一樣野，知唔知咩野地方而家最安全』
史密斯:『唔........一d落後d既地方囉，不過呢件事都好快會完結，耐心等侯啦』
之後就整隊軍隊上了車，準備開走
史密斯:『係啦，唔記得同你地講一樣野，我.......咪係智囉，哈哈哈哈哈哈(笑卻是女性笑聲)』
ham:『妖，死八婆，又俾佢玩..........不過......(這裡開始大聲叫)多謝你呀，你救番chris啦，唔該哂vivian』
銀狼:『條粉腸都幾煩下喎』
ham微笑說:『係呀......』
上到車，ham就拿出銀包內與chris的合照，他發誓，一定會繼續活下去，一定會.........

大神

第十九集  rose plan
------------------------------------------輝的那方面---------------------------------------------------
輝:『下?智，咩人黎架?』
simon:『妖，估都估到同我地一樣係改造人啦。不過佢係我地呢班人之中，係排第六，但係最強
因為佢係不死身之餘，佢係最強，而且佢既能力亦係最無敵.....』
輝:『有幾無敵呀，一支火箭炮打埋去睇下佢會唔會瓜柴丫』
simon:『你一支火箭炮啡左過去，可能會打倒佢呢個肉身，但佢可以搵撚到第二個肉身，
咁試問有邊個夠佢打?』
輝:『.........咁同佢打既話打飛機咩』
simon:『所以咪講左佢唔會死囉，你咁蠢架』
輝:『.........你地話諗緊，咁諗左未丫』
simon定格十秒後，說:『你都ok掂，岩岩大姐傳左訊息去我地個腦度，話佢終於諗到個計劃啦』
輝:『係真唔係呀，咩野計劃呀』
simon:『唔.....佢個計劃叫rose plan，係保留一d我地認為有用既人類，其他阻住哂既就唔理
不過大姐講明，我地每個揀最多十個人架咋』
輝:『十個人咁少??咁世界咪食得屎?』
simon:『唔駛咁驚喎，係我地入面，有成三十幾隻，而且連我地d部下都有得揀，我諗大大話話都有幾千至幾萬人生存到架』
輝:『.........死得囉，世界沒日啦，咁仲成世界架?』
simon:『關我咩事，人類死活與我無關喎，但可以話你知，我揀左既第一個人係你』
輝:『咁好彩??咁而家我地第一步去邊??』
simon:『咁就梗係去搵齊我想搵既人先啦，之後再去大姐個基地啦』
輝:『下........咁你果個大姐既基地係邊既呢??』
simon:『佢個基地係........青衣城』
輝心想:::難為佢兩個囉........走黎走去最後又要入番青衣= ="
simon:『咁而家我地飲個茶食個麵就出發啦』
輝:『你自己黎啦，我要拎架生』
simon:『好啦』
當輝去拿武器的時侯，simon卻望向另一邊偷偷的陰笑......
---------------------------------------半小時後--------------------------------------------------------------
simon:『飽撚哂，行得未呀(粗口內容)』
輝:『得左好耐啦，食個麵都食咁耐，你地改造人要食野既咩』
simon:『我鐘意呀，你吹咩』
輝心想:::唔係你條(粗口內容)會帶到我唔駛死.......啡撚死你條(粗口內容)好耐啦
simon:『等我睇過你揀左d咩丫』
輝拿了的武器:::
重機一支
麥林一支
榴彈砲一支
大量子彈
軍用刀兩把
simon:『識執野之餘，你都幾多架生下喎』
輝:『梗係，唔係你條友仔當我白痴』
simon;『咁得啦，行啦』
出門口後就看到有另外一堆fly hunter---鼠出現，由於體積小，所以通常一整堆地出現
simon:『頂，等我黎!!!』
simon拿起鐵棍，不斷狂揮，不到一分鐘全滅
simon:『當做下熱身啦』說罷揮走鐵棍
輝心想:::好彩唔係同你條友為敵......如果唔係真係死得........
二人走出富健花園，去到了巴士站，看見了一整堆喪屍的存在
輝:『等我........』
simon:『等你個頭，我黎啦』
simon舉起了一部巴士，向喪屍群扔去，雖然死了許多，但仍有些生存
simon:『而家就真係到你啦，射油缸啦』
輝不甘心地拿重機向倒下了的巴士狂射油缸，巴士發生猛烈爆炸後，所有喪屍都立即消失
simon:『咁做就岩啦，跟住我地.......』
輝:『喂喂喂，你玩哂啦，咁我拎d槍出黎做咩呀』
simon:『唔妥呀，咁你想點丫』
輝:『我.....我想....我想你自己去搵d你認為岩既人，我都有d野做』
simon:『哼，你話架，咪話到時我唔救你呀，你係兩日後青衣城戲院門口等啦』
輝:『哦，咁掰啦』
simon:『兩日後見』說完simon就迅速跳走了........
輝想起要找ham他們，於是致電給ham
輝:『喂，衰仔，係邊呀』
ham:『係尖咀囉.......做乜呀』
輝:『冇，諗住問下你果邊點咋嘛』
ham:『.....chris變左怪物，不過有隻改造人既部下就帶左佢去醫』
輝:『下，個改造人同你地好熟既咩?佢有咩能力?』
ham:『喔......都幾熟既，佢話過幾鐘意我地，以我記得佢好似話佢叫智』
輝:『.........咁都得- -"佢有冇話俾你知要點呀』
ham:『頭先我腦入面好似佢講緊野咁.......話後日搵我喎，叫我後日係荃灣等佢』
輝心想:::simon叫我去青衣，果隻智叫佢係荃灣，到底點架......
輝:『咁呀，冇野啦，遲d再搵你啦，拜』
ham:『喂喂......』輝已經收線了
輝:『咁呀.....當然去搵我條女先啦......之前就話要死守先冇搵佢，而家咁既情況當然會搵佢啦
佢好似話佢係屯門警署......過去睇下佢係唔係度啦』

大神

第二十集  ham's love
銀狼:『咁而家點好呀，我又肚餓呀』
ham:『岩岩先食完咋啵......咁快又肚餓??』
銀狼:『係呀....咦，前面有間m記喎，入去食野啦好冇?』
ham:『都好....果間m記......係喎，我女朋友係入面做架喎』
銀狼:『佢可能係入面呢??入去睇下啦好冇呀，可能你條女未死呢』
ham:『唔知呀.....之前又打唔到俾佢.......好多喪屍係出門拍閘喎，射死哂佢地先算la』
ham走近m記，用散彈槍不斷轟向喪屍群，眨眼間喪屍群都倒下去，但他們正在打算開門還是不開門好的
銀狼:『喪屍就搞掂哂啦，咁而家點算呀....』
ham:『唔......(大聲說)蝶!!!!!!你係唔係度呀!!!!!ham呀，係度就應我啦!!!!!!!!!!』
m記的樓梯傳來了聲音，但由於聲音很遙遠，所以聽得不太清楚
ham:『佢可能係入面呀，我地入去啦』說罷就用散彈槍轟破鐵閘的鎖頭，拉起鐵閘進入m記』
???(女聲):『呀!!!!!!!!!!!!!!!』
ham:『有人叫呀，快d入去!!!!』
進入m記後，有一名穿著經理服的喪屍步近一名女子，ham拿起手槍對準喪屍的頭部，轟了三槍，那喪屍就倒下了
ham走到女子的面前，但可惜不是ham的女朋友
女子:『你係ham??多謝你救左我呀』
ham:『喔.......你係呀詩......你知唔知我條女係邊呀』
詩:『佢唔係我地度呀.....頭先得番我地，佢冒死走左出去鎖住度閘，走左出去呀』
ham:『咁大獲!!!咁佢有冇拎武器出去架』
詩:『......掃巴囉』
ham:『咁就死囉，唔駛諗啦，可能佢死左啦.......』ham露出了一副絕望的表情.....
???(由門口傳來的聲音):『點解度閘又開左ge........明明我岩岩鎖左架喎........』
ham聽到已料到必定是蝶在門口，衝也似的跑向門口
蝶:『ham......點解你會係度既?』
ham一句也不說就蝶緊緊的擁抱著，銀狼看見也不出去，點起一支煙坐在椅子上
ham:『你冇事太好啦.......好驚你有事.......』
蝶:『放心喎......我咁大命』
ham拖著蝶走到m記下面，隨手拿起一個漢堡包吃下去
銀狼見到當然也不服輸，見到可吃的東西就拿起
大家都飲飽吃醉後，ham就問詩:『咁你打算點呀，我地走架啦』
詩:『唔知呀......我都等緊我男朋友過黎救我，佢之前打左過黎話會救我』
ham:『咁......好好保重，小心d呀』
蝶上前抱著詩.....因為大家都知道，這次可能是最後一次見面了
揮別後，三人走出門口，看著原本熱鬧的尖沙咀，變得只有喪屍滿佈街上，三人均感無奈
此時，銀狼的電話響起了
銀狼:『喂.......係係.....你而家係邊??我過黎接你丫.......好....我而家過黎搵你，拜』說罷便收線了
ham:『邊個打黎?』
銀狼:『搵到你條女，到我條女啦，而家我有武器啦，我要去搵我條女啦』
ham:『你條女而家係邊呀??』
銀狼:『佢話佢係荃灣喎.....我要過去搵佢啦，我走先啦』銀狼就走近一架跑車，開著後就快速走去
ham:『衰仔........走你就走得咁快』
蝶:『咁而家我地去邊好呀??』
此時二人的腦袋傳來了一份女聲，清楚地傳入他們的腦袋
『恭喜你地團聚喎，記唔記得我呀，智呀，咁既，我地諗好啦，兩日後你地去青衣城門口集合，果日你都會見到chris架啦，就咁啦，掰嚕』
ham:『青衣城??又要入番青衣.......』
蝶:『咁呢段時間期間我地去邊度好呀』
ham:『點知o者.......妖(拿起手槍向想走近的喪屍開槍)咁啦，我地周圍遊下遊到第二日囉』
蝶:『咁夜晚係邊度訓架........度度都有喪屍』
ham:『放心啦，一定有地方訓既.......』

鉛筆仔仔

太多字la:22: :22:

大神

冇字點c呀:10:

大神

第二十一集  sorrow
輝:『呼....終於到左屯門警署門口啦，門口冇喪屍既.......點解d喪屍好似驚左警署唔敢入咁.......』
輝想也不想，把門口的玻璃門用散彈槍轟破，就揚步開始進去
進去後由於不想浪費子彈，所以轉用了手槍代替，因為警署內真的很少喪屍存在
輝開始搜尋著第一樓樓層，除了有少量喪屍外，完全沒有任何會走會動的東西
輝:『頂....第一層都冇咩野.....唔通係頂樓咩』
到汽水機買了一罐咖啡後，就坐下慢慢飲，因為時間反正都是多得很
輝嘗試致電給ham，可惜未能通電，卻奇怪地打通了給chris(那時臨走chris給了電話號碼輝)
輝:『喂喂喂，有冇人呀，chris?』
???(女聲):『你係邊個，搵chris咩事』
輝:『你係邊個呀，叫佢聽電話啦』
???:『chris而家接受緊治療，無可能聽到電話』
輝:『咁你係邊個呀，點解佢要接受治療』
???:『之前佢變左怪物，而家逐漸康復緊，我唔記得介紹自己，我叫vivian)
輝:『vivian??明星果個呀?』
???:『哈，你又知既，你同ham一樣咁過癮』
輝:『你又識ham?』
???:『係呀.....我問你，你有冇遇到任何既滅殺之侀』
輝:『有呀....果隻叫變既粉腸囉』
???:『喔.....佢應該會關照你啦，佢係唔係叫你兩日後去青衣城』
輝:『你又知??你到底係邊個呀』
???:『我唔多講啦，我要做野，拜拜』電話內傳來了o都o都聲.....
輝:『頂你個肺，知咁多野係都唔肯講我知係邊個......死人頭』
輝此時望向出面的花園，見到了有一隻巨大的烏龜

fly hunter---玄武
fly hunter有四隻最強的生物，能力超乎想像，目前這隻龜就是其中一個
玄武，有刀槍不入的外殼，頭部亦與外殼一樣堅硬，唯一弱點在腹部的噴氣洞(它靠此處飛行)
雖然發明得有氣孔飛行，但所謂飛行與跳躍沒多分別，因為太笨重而沒法正式飛行
擁有長長的腿部，強而有力的前臀，被擊中多數都沒多個能活命
雖然同樣是fly hunter，但如果沒人襲擊它，基本上不會攻擊人類

(另外fly hunter最強的四隻，會有個秘密)


輝:『無端端有隻咁大既龜係度.....唔理啦』(作者:算你找回了一條命- -")
上到二樓，輝看見了兵器庫，走進去，見到了一個久違了的面孔，輝的女朋友..........
但可惜的是，她正被一隻喪屍進食中
輝:『死人頭!!!!咁多人唔食你食佢，去死啦』隨手便拿起一支mp5向那喪屍狂射
射完一支還不心息，拿起第二支再射，射到那喪屍已經變成了蜂巢後，就坐在地上低聲哭泣.......
輝:『點解我唔早d黎救你......早d救你咪唔會死囉......都係我自己衰，都係我自己衰』
五分鐘後，輝步出了警署門口，再一次致電給ham，這次終於接通了
輝:『係邊呀.......』
ham:『做咩把聲咁頹呀....尖咀呀』
輝:『唉........我條女死左』
ham:『下....你做咩會走左出黎』
輝:『冇....遇到條友佢叫我過兩日去青衣城，我咪走左出黎囉』
ham:『咁呀.....你過唔過黎搵左我地先丫.......』
輝:『都好，咁係邊度搵你地呀』
ham:『銀狼又係荃灣........就荃灣等啦』
輝:『好啦.....』
於是輝便開了車，開始往荃灣方向出發.........

大神

第二十二集  the write tiger
ham:『咁點呀而家，用呢部車過荃灣?』ham指著vivian送給他們那部車
蝶:『咁唔係可以點喎...係尖咀打機好冇呀，上車啦』
上車後，ham教蝶如何使用武器，及利用車上那機槍
由於車子牢固得令人訝然，他們嘗試過用手槍射向車子，車子毫無損傷
天色漸暗，ham他們決定了在車上渡過
---------------------------------------晚上---------------------------------------------
二人剛才從附近的小食店拿了食物，水。準備在車上開始吃晚餐
ham:『係喎....果陣時係青衣真係完全打唔通你電話，點解既??』
蝶:『果陣時我同d人放工，點知有喪屍出現喎，又唔知點好，咪拎起d棍之類既物體打d喪屍囉，打打下我發覺部電話唔見左
我諗係唔見之餘，掉爛左囉......你唔打呀詩電話既，你應該有佢電話架喎....』
ham:『....其實果時佢俾佢電話我，我冇入到架』
蝶:『做咩唔入落電話度呀』
ham:『咁....我覺得佢想溝我咁丫嘛』
蝶:『乜你知佢.....算啦，佢而家唔知點呢』
ham:『食完野過去搵佢一陣囉...反正間麥記係前面咋嘛』
蝶:『都好....唔知佢條仔到未呢』
吃完晚飯後，二人走往麥記，但發現門口的血蹟多了許多，且門口有被破壞的蹟象，破壞的痕跡像是猛獸襲擊完似的
他們都知道一定有事情發生了，於是跑進裡面，詩不見了，反而多了一個陌生的男子倒臥在地上
ham:『喂喂，你有冇事呀..』
男子:『嗚....我....我諗我過唔到聽日架啦.....』
蝶:『你咪係呀明??呀詩呢』
ham:『你係呀詩條仔?』
明:『係呀...咁我過到黎接呀詩.....咳咳...我地諗住走果陣，無端端有隻白老虎之類既怪物，從天而降....一分鐘後我已經俾佢打到咁樣
呀詩就被佢捉走左.....嗚.....所以我咪入番黎麥記囉.....嗚...我真係無用』
蝶此時已經眼泛淚光:『唔好咁啦.....你都有盡過力架嘛』
ham:『......最重要你知唔知呀詩而家係邊』
明:『我見佢捉走左呀詩之後都走得好慢.....應該唔會遠得去邊既......』
ham站起來，對蝶說:『蝶....留係度睇住佢，我去搵呀詩，呀明你有冇手提係度』
明不想多說話，拿起了手提電話揚一揚
ham:『咁得啦....蝶，你知我電話架啦，有咩事電話聯絡，電話聯絡唔到既，係架車度等啦』
蝶:『ham......小心d呀』
ham:『...知道架啦.....我愛你』
ham就衝了出門口，門口有一大堆喪屍，因為剛才被他們吸引過來，ham開路以後，就向著金馬倫道方向跑去
走著走著，看見前面有一間walker shop，門口已爛溶溶，已經.....有一條白色的尾巴在凸了出來
ham深呼吸一口氣，走到看得見裡面狀況的位置，開始知道裡面的情況
呀詩在裡面好像很驚怕似的，那頭白虎在安撫她，像與好朋友在談心，與外面的環境完全不相襯
ham此時想著.....每次遇到新的怪物....chris總會在旁邊加著油，每次....chris都化險為夷.....這次......chris不在了
他決定等那白虎睡著了才救詩(作者:有點像king kong呢)不久，那白虎果然睡著了，因為它睡覺時的聲音太大了，且合著眼，沒多理會詩
ham就走到walker shop門口，揮手示意叫詩跟他一起走，詩小心亦亦地走出walker shop門口，然後跟ham一起逃往車子那方向
詩:『ham.....多謝你』
ham:『唔緊要啦，最緊要都係你冇事』
詩:『係喎!呀明佢有冇事呀，佢好似俾隻老虎打傷左』
ham:『.........去到你自己睇啦』
到了麥記，蝶正在用冰幫明按著傷口，雖然效用不大
詩:『明!!!!!!!!』詩的眼淚都已經開始忍不住跑出來了
明:『唔緊要架.....我去之前仲可以見到你.....係我既幸運，ham......真係好多謝你』
ham:『不說話丫....我都冇做過d咩』
明:『嗚......咳咳......係啦.....你地快d殺死我』
三人齊聲說:『點解呀!!!!!』
明:『其實......呢隻白虎我有份研究出黎，我係日本既某間公司入面，係香港支部負責研究工作......佢既野我好清楚.......我一但被佢整傷
一日之後就會變一隻你地諗唔到既怪物.......快d殺左我!!!我唔想變果隻野傷害你地.......嗚....』
ham:『.........蝶，詩，你地上番車先啦』
詩知道ham會狠下心頭，但詩是一個十分理智的女孩，擁抱著明兩分鐘後，說:『明......我永遠都唔會唔記得你架....』
明:『唔唔......我愛你.......嗚......拜..拜.....啦...』
明說完後蝶就拿著哭泣中的詩出麥記門口，快要上車時，二人清楚聽見麥記內傳來的三下槍聲
上車後，詩哭得更是厲害，簡直像是崩潰了似的
不久ham也從麥記出來了，一言不發的走到司機位，飲了兩口水，就點起了煙
ham終於向詩說:『我唔識講咩野安慰說話....但係我覺得佢唔會想你為左佢喊到咁，希望你明白，佢真係愛你，而且為左我地好先至咁
同埋......佢頭先臨去之前，交代我要好好照顧你，同埋........佢叫我同你講......今生不能願比翼，下生再續未了緣.....』
蝶擁抱著哭得更是厲害的詩，不久，ham發現黑夜中出現了一個巨大的白色影子........

大神

第二十三集  nightmare
白色影子越來越近，原本濛瀧的身影越來越變得清晰，正當ham他們快要看見時，天卻下起雨來
ham:『(粗口內容)!!!快d開車，我知咩黎啦!!!!』
當ham說完後，大家卻目定口呆看著那白色影子，ham於是趕手趕腳地走到司機位
立即踩盡油門，向前方駛去，那白色影子本來是慢慢移動，現在卻走得越來越快，快要到車子時，終於露出了本來面目
大家都料到，那巨大的白色影子當然是白虎，突然有十數隻喪屍想擋著白虎的去路
白虎的右手一揮，那十數隻喪屍全部飛往別處，且屍首分離得非常恐怖
蝶見狀就立刻拿起車尾其中一支機槍向白虎狂轟(先說明，車尾有兩支支機槍，左右各一支，車頭有一支由司機控制)
而詩也化悲憤為力量，問一問蝶怎樣使用後，也向著白虎狂轟，白虎當然也有點兒受傷，但從外面已看出受損程度不大
ham:『蝶!!!!!你過黎駛一陣車，我搞掂佢!!!』
蝶:『下....我唔多識架喎』
ham:『快d啦，呢架車夠硬，點撞都冇野架，快d過黎啦』
於是蝶迫於無奈地到司機位開車，ham就跑到機槍位，將兩支重機槍狂轟向白虎
ham:『呀!!!!!!!!!死啦!!!!!仲唔死!!!!!!』ham放下一支，拿起煙點起來，再拿回那支重機，一邊食煙一邊向著白虎轟去
白虎越跑越快，一分鐘後，已跑到車子的左側，ham當然用左側的機槍向白虎不斷掃射，但好像作用不大
ham:『豈有始理丫!!!!!!試下我支榴彈炮啦!!!!!』
他拿起了vivian送給他們的其中一支火力強勁的槍支----榴彈砲，且有多種不同子彈
ham急趕地入了一枚火焰彈和一枚硫酸彈(每一支一次可入兩粒的)準確地轟向了白虎，白虎避過了火焰彈，但背部中了硫酸彈
似乎榴彈炮對白虎傷害強大，被擊中的位置的毛髮融化，皮膚已看得出是嚴重灼傷
ham:『我粒硫酸彈好唔好味呀!!!!!!!爽呀呢!!!!!!!整多粒你嘆』
ham開始入冷凍彈兩粒(因為中完硫酸再中冷凍彈會感到非常疼痛)
入完發覺白虎縱身一躍，跳到車子前方不遠處，於是ham上去車子上方的通風口，並向白虎發射一枚冷凍彈
冷凍沒有能擊中白虎，但卻擊中白虎腿部的地面，急速冷凍了白虎的腿部，蝶見況想撞過去，卻被ham轉向了
蝶:『你做咩呀，等我撞死佢丫嘛』
ham:『你都傻既，咁撞法係我地死唔係佢死呀』
蝶:『下.......咁我又唔知喎........』
ham:『唉.....』
白虎似乎已被ham他們拋離，正當他們高興時，象徵著惡夢的白色身影再次出現
ham:『我......頂!!!!!你好鬼煩呀，打咁耐你又唔死又成，釘鬼住你條粉腸!!』
ham拿起十字弩(機械式)向白虎的腿部射去，兩支全部命中，穿過了白虎的腿部...雖然沒有釘在地上，但也令白虎動彈不得
蝶:『yeah!!!!!!!我地打敗佢啦!!!!!』
詩:『.....嗯....』
ham:『呼.......好累.........(點起了第二支煙並坐在地上)好彩我地有呢架車，如果唔係我地下場就同果十幾隻喪屍一樣架啦.....』
詩:『我突然諗起d野.....蝶，你記唔記得我之前係屋企養過一隻白色既貓』
蝶:『喔....執番黎果隻丫嘛，果隻貓唔係之後佢死左俾你扔左落海既咩』
詩:『係呀......可能我諗多左o者』
ham:『唔排除呢個可能性架.....因為頭先我睇果隻野，與其講佢似老虎，似貓更加多』
詩的右眼突然道出了一道淚痕，想起那隻愛貓，可能是剛才對付的東西，就不禁落淚......
蝶:『喂，ham，你過番黎司機位呢度啦』
ham:『呼.....好啦(坐上了司機位)咁我地而家去荃灣未呀』
蝶:『而家去囉.......唔係點呀』
蝶:『詩......我知一時間你接受唔到咁多殘酷現實既野架啦.....你訓係度，休息陣啦....』
詩:『(睡在地上)蝶.....多謝你』
蝶:『我地姊妹黎架嘛......』
ham看到此情形觸景傷情，不禁看著天空，想起了chris......一生的好兄弟.............

大神

第二十四集  goodbye....silver fox
-----------------------------------------------銀狼那方面------------------------------------------------------
銀狼到達荃灣已經不是一段短時間，可惜仍未找到他的女友
銀狼:『頂.......係邊呀..............』
不知不覺間，銀狼走到了德華公園，平時和平，看到人生百態的德華公園，現在除了滿場血淋淋之外，有一個地方更是像亂葬崗一樣，屍體堆積如山
銀狼:『咁恐怖既呢度.......』銀狼拿起了手提電話，致電給女友
接通了，對方卻傳來了一陣很趕的聲音
女友:『喂』
銀狼:『係邊呀.......搵你唔到呀』
女友:『我係德華公園附近呀!!!!有隻野追緊我呀，呀!!!!!!!!!!』接著對方電話一聲不響後，傳來了撕殺聲
銀狼:『........唔係咁大獲下話』
銀狼心急地不斷在附近跑來跑去，希望可以尋找到女友
不久，終於找到了，不過女友正被一隻巨形，且肉體有點腐爛的螳螂撕殺中
銀狼目定口呆看著女友被那隻螳螂，用像是手的兩把鋒利的刀刃，不斷斬殺，場面血腥到頂點，女友屍體已經被砍成碎片
地面出現一個又一個平滑的斬擊痕跡，應該是撕殺其他人或喪屍時的痕跡

fly hunter---砍裂者
正如大家所見，是一隻巨型的螳螂，能力優秀得令人驚訝，兩隻手一揮，可以令到一棟三層高的大廈斬成一半
擁有飛行能力，其飛行能力算不上迅速，但已經快得媲美一架普通汽車
由於腿部腐爛，所以不能跑動，只能綬綬走路
個性變態得恐怖，不把獵物砍成碎片不罷休


銀狼:『你.........你做咩呀!!!!!!!!!!!!!』
銀狼拿起掛在背部的shoot canon向螳螂射擊，螳螂回避不及，被擊個正著，動彈不得
銀狼:『嗚呀呀呀!!!!!!你俾番我條女我呀!!!!!』再拿上重機槍走近轟向螳螂
螳螂當然會受傷，但未至於死去，反而變得憤怒，一段掙扎後，終於可以移動
銀狼當然也不敢怠慢，準確地向螳螂不斷轟去，且不斷走動
被轟擊中的螳螂越感憤怒，用那兩把刀片夾起一輛汽車，打算向銀狼扔去，幸好因為夾起，準繩度差得要緊，扔向了那堆屍體山裡，一聲爆炸，血液有如噴泉般飛灑出來
銀狼:『唔俾d厲害你，你真係當我流架喎』
於是他在腰間拿起四個手榴彈，向螳螂扔去，終於那隻螳螂終於不支倒地
銀狼跑也似的跑到女友被斬的地方，只見女友屍體不全，只剩下首項是完整無缺
銀狼:『嗚........點解!!!!!!!!你地殺我老母咪算囉........做乜要殺埋我條女.......咁我仲點有力氣生存呀........』
哭泣之中銀狼抱著女友的頭接吻(好像有點變態)然後緊緊抱著足足一個小時......(由於銀狼來到德華時殺了不少喪屍，且德華是螳螂的地盤，沒有喪屍敢走近)
一小時後.....銀狼終於回復了一點理智時，有一架車子來到............
ham:『喂，銀狼........』
銀狼:『點解你會......』說話都未完全跑出口，銀狼的首項被螳螂砍去，原來螳螂並沒有死去，只是躺在地上暈去了
蝶和詩驚叫著，因為才剛找到他，銀狼便死去了
正當變態的螳螂想砍第二刀時，ham不知何時走到了螳螂的後面，並拿著榴彈炮，向著螳螂的頭和身體射出炸裂彈，然後用經改良的散彈不斷轟去螳螂
原來ham他們之前在車上找到了一個投影器，能將自己半徑十米的地方真實地投射在半徑二百五十米任何地方，以防萬一
ham:『我黎到你都仲敢斬佢，下，未死過呀!!!!!!!』終於，螳螂正式被猛烈的攻擊下死去
ham:『銀狼.........對唔住，我黎遲左』ham緊緊抱著銀狼的屍首
才一天多點的感情，其實可以很深厚的，因為雙方都認定了對方就是出生入死的兄弟
ham:『估唔到冇見你幾個鐘頭......你就搞到咁.......我應該早d黎到架......對唔住呀』ham的眼眶開始出現眼淚
蝶和詩已經在後面哭泣著
始終，要死的終歸要死
ham他們懷著沉重的心情回到車上，鎖好車門，不斷自言自語
ham:『點解....點解好似係我害死佢地咁....每次都係差少少....我就救到佢地...點解....』
蝶哭著跟ham說:『ham呀，你唔可以咁架!!你係我地既支柱，你都咁樣我地應該點呀
ham:『我....我唔知道....我而家個腦好混亂.....』
感覺到螳螂已死去的喪屍，大批大批地出現在車子的左面，開始慢慢湧進來
ham:『你班粉腸好煩呀!!!!!』他走到了是司機位，將車尾向著那群喪屍，然後走到車尾拿起兩支重機槍，轟向喪屍群
ham:『哇哈哈哈哈!!!!爽呀!!!!!死啦死啦!!!!!!!!』
蝶走到ham的旁邊拿起一杯水，淋向ham，然後摑了ham一巴
蝶:『你而家清醒d好冇呀，你都咁樣，咁我地應該點呀，係咪要攬住一齊死先開心呀』
被蝶一言道中的ham，從混亂回復理智，站起來吻了蝶一下
ham:『對唔住....係我唔夠冷靜.....我唔應該咁，多謝你.....』
蝶:『記住呀.....你既決定我永遠支持，但希望你清醒d啦.............我愛你』
ham:『蝶......我愛你』跟著二人擁抱在一起
詩:『喂，溫馨夠啦，d喪屍打到黎啦』
ham:『等我地三個一人一支啡爆佢地!!!!!』
三人走向機槍位，向著喪屍群轟去.................

大神

第二十五集  experience
----------------------------------輝的那方面-------------------------------------
輝駛至屯門入口，看見附近有油站(就是ham&chris進入屯門時停留那個油站)於是進入並且找一些可以吃的東西
輝:『唔......唔知ham佢而家點呢....咦，點解有架車駛左入黎既』
輝看出玻璃窗，看見有一架黃色跑車進入油站
車內的人走了出來，是一位女姓，她撥了一撥那把中長的頭髮，看入店內，似乎發現了輝在裡面
輝發現到生還者，自然地走出去，打算找她
女子卻拿出了一把機槍，冷冷的指著輝，問道:『你係咩人』
輝:『下.......生人囉，未變喪屍既人囉，做咩』
女子:『乜仲有人生存既咩......你係度做咩』
輝:『冇........見肚餓咪入黎食個飽，飲啖水咁囉，小姐點稱呼呀』
holy:『你叫我holy啦，點解你會有咁多軍火既.....(偷瞄一下輝的車子)你去完差館偷野?』
輝:『講到我成個賊咁款，呢d係我私藏既寶貝軍火黎架』
holy:『原來係咁......你得你自己一個?』
輝:『而家我出去搵我個表弟囉，你呢』
holy:『我原本係同d fd一齊走既....我男朋友都係度，不過全部死哂啦......得番我一個生存(放下了槍枝)你同唔同我一齊?』
輝:『都好既........有個照應，你打算點呀之後』
holy:『去搵我個仇人』
輝:『仇人??』
holy:『係......佢殺左我男友，之後同我講叫我一日後去青衣城』
輝:『下，佢應該係改造人下話，佢叫咩呀??』輝心想:::唔會係simon個白痴仔掛
holy:『佢好似能力係變.......(輝心想:::果然係果個白痴仔)佢對自己認為唔順眼既人就會殺架啦....』holy開始眼眨淚光
輝:『唔好喊啦.....(扮英雄將holy抱在懷中)你有冇你男友張相??』
holy:『有呀.....』holy從銀包拿出一張相片，相中人除了holy，還有一名男孩
輝心想:::唔怪得知simon要殺佢啦.......咁樣衰.......白白浪費左個令女
輝:『真係可惜啦(扮野中)你同你男友都幾襯.....可惜可惜.......』
holy:『咁你而家食飽未，係唔係一齊去荃灣呀??』
輝:『都好............死!!!』
在這段談話間，輝沒有留意，已有大堆喪屍圍著他們，而輝手上只得一柄手槍和軍刀(手槍的子彈不要問我有多少，總之有很多)holy就只得那把機槍，車子亦距離甚遠
holy:『點算呀......』
輝:『唯有殺出重圍過去架車度啦』
輝於是跟holy背靠背，輝一手拿著軍刀，一手拿著手槍，目光銳利地看緊周圍
輝:『殺呀!!!!!!!!!』
一聲呼叫，槍聲彼上此落，輝右手直線一砍，兩個喪屍的頭應聲掉下，遠點的就被開槍打死
holy也不服輸，準確並快速地瞄準著各個喪屍的首項，完全不浪費子彈，近點的就被一腳踢開
輝:『衝呀!!!!!快d上車』
不出一會兒二人都上了輝的車子上(由於holy只得機槍一把武器，車上並沒有任何實用東西，所以棄掉也沒所謂)
快要駛出油站時，車子卻被兩隻lv2截下了
輝:『仆你個街丫，受死啦』
lv2與車子的距離相當接近，輝用機槍向那兩隻lv2的心臟各射兩槍，兩隻lv2就倒下了(筆者:好像變弱了....)
holy:『呼......好彩走得甩』
輝:『係呀......』
holy:『你可唔可以俾少少武器我呀......我得支機槍......』
輝:『好.....呢支麥林你拎去啦，呢度係佢d子彈』0
holy:『嘩....正呀.....我諗一槍打爆喪屍個頭都得呀』
輝:『當然得啦!!!改良過架!!!!』
一邊駕車一邊談天，好像不知四周有喪屍一般，就算撞倒了喪屍也只瞄一瞄，就繼續講
不知不覺間，已經來到了荃灣千色店
輝:『你等等我，我打俾我老表先』
輝致電給ham，並叫了holy出去感受一下麥林的爽快感
輝:『ham，係邊呀』
ham:『我地.......而家係德華公園，你呢』
輝:『我都係附近，係邊度等呀?』
ham:『千色店對住德華公園個門口等啦』
叫回holy回到車上之後，就駛至該目的地
輝終於看到他們那架車子，且說道:『嘩.......駛唔駛咁誇呀......』
輝:『ham!!!!!!!!!!出黎啦』
出了車門後，ham留意到holy
ham:『咦...........你咪係.........』
holy:『唔好過黎!!!!!!!!!如果唔係我一槍射爆佢個頭!!!』holy用麥林直指著呀輝的頭部.......


下集預告:::他們終於再會面了，但是為什麼holy會有這樣的舉動??她的目的是什麼??期待下集-----sufferer
下集預告:::他們終於再會面了，但是為什麼holy會有這樣的舉動??她的目的是什麼??期待下集-----sufferer