抗議和平水滸變殺戮戰場, 呢個唔係墨香呀!

玄敵

[顯示] [隱藏]

在下最初由墨香轉玩水滸, 係因為水滸唔會比人亂殺, 唔使受人氣, 睇人眉頭眼額咁.
我有我打你有你打, 根本可以相安無事!
受夠搶怪, 比殺, 宜家仲有藥師連環殺!!!
呢d事只要雲起整少少野根本新手同大家都可以輕鬆享受遊戲, 亦唔會令無聊人橫行無忌!!!
最主要係, 雲起有$收, 我肯定我既提議有腦既認真既睇都會發現, 係可以幫雲起賺錢而遊戲唔會失平衡!

唔信? 在下開始提議:

1. 出一種 高級倉庫開通證!!!
宜家雖然有垃圾桶, 但係好似我呢d乜都唔想掉既人, 依然係倉庫亂到七彩!
點解唔好似墨香咁, 有得開多個倉比我放d重要野?!
可以出 高級裝備倉庫開通證 同 高級物品倉庫開通證 甚至 英雄倉庫開通證, 寵物倉庫開通證
大家多個倉放重要野, 雲起又有得賺, 何樂而不為?

2. 出一種練習怪物卡!!!
相信大家受夠無良人清場搶到我地一隻怪都無得打. 唔係要我地搖尾乞憐比人玩呀? 打機姐, 咁攪雲起等於趕客喎!
點解唔出 練習怪物卡呢?
原理同寵物一樣, 出得一隻, 平時都係跟住玩家, 不過佢可以:
i) 係被動怪
ii) 不被主人以外的玩家攻擊
iii) 此卡能召換出 lv1至玩家等級高5lv次內的怪物
iv) 不攻擊主人以外的玩家
v) 英雄多一種指令 (只狙擊練習怪物)
vi) 城內練習怪自動回收
vii) 練習怪物死後隔一段時間會在玩家身邊再出現
viii) 跟隨主人像寵物
唔好同我講話人地掛英, 你照樣可以宣死佢, 搵唔到人係你自己既事!
咁樣既好處, 1) 全地圖用得盡善盡美, 度度都有人氣
                 2) 可以比一d想慢慢升lv既人一隻隻咁打
                 3) 防人搶怪搶到一隻都無
如果雲起唔放心, 可以改出練習怪物符試下先, 咁有時限又用點, 可以賺到笑
對玩家好d既, 可以改 i) iii) 改為 i) 不被主人團隊以外的玩家攻擊
                                          iii) 不攻擊主人團隊以外的玩家

3. 出安心睡眠裝!!!
有d玩家好似我咁打到夜打打下訓著會點? 咪比人p死/引怪引死囉.
如果有人無啦啦睇唔順眼會點? 成日等你訓著p死/引怪引死你.
如果佢有藥師fd或自己係藥師, 咁你就訓醒永不超生囉.
呢個唔係極忘可以解決既問題, 因為玩家會覺得好受氣, 特別係新手, 佢會唔玩.
水滸, 我個人認為賣點係和平, 唔係d無聊打殺game.
人地想升級姐, 做功課都會訓著啦係咪? 打機都會架.
我諗既 安心睡眠裝 就係咁既:
1. 玩家裝備此(香包之類) 如5分鐘內無輸入任何遊戲指令, 自動進入安眠狀態, 經驗不會再+, 但是不會比怪物攻擊, 亦無人能向其宣戰.
2. 進入睡眠狀態之玩家會自動回收英和寵!
唔做野無罪架喎, 坐係度犯法牙?
好處: 有時一個唔小心訓左, 寵就餓死, 咁樣好多原本想買好似金豬包既人只有望而卻步, 唔敢再養寵.
有呢個2號功能, 相信大家就會敢大量入寵, 雲起先會賺.

[ 本帖最後由 玄敵 於 2007-7-20 05:25 PM 編輯 ]

KIT

e 度係非官方網 唔係官網 有野請到官網 多謝...

靚女

:76: 聽到1頭霧水

hoyin2121

去官網反映下啦  話唔定有錢賺佢都會出= =

cat001

你的意見都幾好....不過...與其叫開發做咁多野，不如叫線上m勤力d捉惡人咪仲容易....
成個game都係惡之搞事之嘛....

至於倉庫問題，我都認同個倉實在太亂，出左垃圾桶又如何？...事實上我會留料俾分身玩，所以全部料都唔會掉，而且佢一出新任務，交黎交去咪又係d舊材料？咁我點會掉呀....最好都係將d料分好類啦...
我都唔明點解我賣野俾npc時，d工具可以分開出黎，但係我自己睇倉，就淨係分得兩類。

其實分多兩三類都唔係好過份姐，例如：
一般物品、生活技能工具、合成材料/原料、英雄、裝備、船裝備、寶石

數埋都係六七樣........
仲有個問題，聽聞寵物同英雄都可以放落地，但係如果你放寵物落地，會睇唔倒但可以撿倒....如果唔小心放左落地，真係一鍋眼淚，我上次唔見左隻倉雞，都可能係唔小心呀...好淒涼....隻倉雞係我game老公送俾我架

[ 本帖最後由 cat001 於 2007-7-21 12:25 PM 編輯 ]

幻幻

刀係一句
去官網反映下啦:00:

hoyusum

你的意見好好，係新手的心聲:09: :09: :09:

hoyin2121

我上次丟左隻白銀宋萬落地下 以為唔見左 搞到我冇汁= =

極神

如果你放寵物落地，會睇唔倒但可以撿倒....


係可以看到的,我今日試過

hoyin2121

e排又改番 之前係有斷時間睇唔到