深圳灣酒店芭蕉樹妖

無敵殺人狂

地點：深圳深X灣酒店•人物：小如、Cindy、波波

今年考完會考，我（小如）就同兩位同學Cindy同波波一齊上大陸玩。我o地三個人決定去深圳灣玩，所以就買o左一個深X灣酒店o既旅遊住宿Package ，三個人o既價錢都係七百零蚊。不過後o黎先知平o野原來真係冇好o架！

一入到間酒店其實已經覺得印象唔係咁好，拿o左房之後仲大鑊，我好記得由Lobby一兜過去，就係一條好長o既走廊，條走廊陰陰濕濕咁，每隔一段距離就有一條樓梯直通地下花園。

入到房本來都驚有污糟o野，點知間房又幾光猛，跟住我o地就去歡樂谷、小人國玩，直到夜晚成十點幾先返酒店。

返到酒店Cindy話要沖涼先，跟住波波又話要做Facial，我又唔鍾意睇電視，所以就企o係窗邊望外面囉！我o地間房外面係酒店後公園，不過好衰唔衰用綠色射燈照住o的樹，好鬼恐怖。

望望o下，突然見到公園角落竟然有一個女人挨o左o係一棵樹度，仲向住我揮手。個女人好靚o架！長頭髮，著住一件紅色花裙，望落去一o的都唔似大陸人。我見佢向我揮手，咁咪同返佢揮手囉！點知見到後花園走出一個男人，佢好惡咁指住個女人大聲鬧，跟住個女人就飛埋個男人度，好似想「練」佢條頸咁。後尾個男人係咁o係度指手劃腳，冇幾耐個女人就突然唔見o左。

我即刻跑落去後公園搵o個個男人，「究竟個女人去o左邊﹖點解突然間唔見o左o既﹖」個男人就答我：「你知唔知你頭先差o的大冇命呀﹖頭先o個個唔係人，而係芭蕉妖，佢頭先想拿你命，你仲同佢揮手！」

據o個個男人講，呢棵芭蕉樹已經成樹精，而芭蕉樹精通常都會係好靚o既女仔。所以以後如果再見到有靚女坐o係樹下面，千祈唔好亂同佢打招呼，因住畀佢勾你魂拿你命。

andyyeung0927

香港樹精既故事都唔少的

雪花之風

嘩，好恐怖啊，我成日同d唔識的人揮手= =

andyyeung0927

都無乜所謂既，暫時都未聽過有咁猛既[好朋友]同樹精
不過當心，夜晚無啦啦有人叫你就千萬唔好應....後果自負啊

火焰死神

我係男人,我NOT係女人

火焰死神

我係男人,我NOT係女人