唔好咁惡la:73: 貼2集俾你cc先la
第二十二集 神秘男子的目的
2006年10月24日 4:40p.m
「我…?我叫呀龍,係做軍火生意既…前幾日同個賣家傾傾下生意既時候
突然收到新閒話香港發生病毒爆發,跟住個賣家就突然大叫死火
然後就話佢個仔仲係香港,叫呀健…唔知點算好…
我見我同佢既交情都算唔錯,咪話幫佢落黎帶番佢個仔上去囉…
但點知黎到香港先發現d病毒原來會令到d人變成咁…
已經覺得中招啦…但無計,我見既然落到黎,咪死頂囉…
好彩我帶左d鎗黎咋…如果唔係…死梗囉…呀…係喎…
咁你地到底有無見過一個叫呀健既細佬啫…?」
說罷,就係袋入面拎出一張照片…
「健…」承的淚水又不禁慢慢地流下來
原來呀龍拎住既果幅照片,就正正係承與健的合照…
「e…講開又講…相入面個人同你有幾分似樣喎…」呀龍
「係…係咩…」承低下頭,細聲地說
「咁你究竟有無見過佢啫…?」呀龍顯得有點不耐煩
「我…我…」承始終也覺得健係佢殺既,所以難以出口…
「無!」
突然,穎從後面大叫起來,接著就慢慢地站起來,用手um住
傷口,慢慢走過去呀承果到…
「哦…」呀龍
「咁你打算下一步去邊到呀…?」穎
「唔知呀…沿途都好少見到生環者…我驚佢分分鐘已經死左添啦…」龍
「佢…佢…」承始終說不出來
「我地打算去附近既寶琳警局先,因為新聞話果到會有警察保護我地喎…」穎
「哦…」龍
「你有無興趣一齊呀…?」穎
「無所謂呀…反正我都無咩地方可以去,跟住你地,多個照應都好呀…」龍
「係啦…知唔知今次病毒源頭係d乜野呀?」龍
「據我所知,暫時只驗出係因為一隻叫virus既朱古力…」穎
「virus?咁熟既…」龍心諗
「係啦…不如你幫手叫番佢先囉…」穎指住呀聰
「哦…無問題呀…」龍
五分鐘後…
「e…蜘蛛呢?」聰問
「死哂啦…」穎
「哦…」聰
「係喎…點解呢到好似無左個人又多左個人咁既…?」聰
「嗯…」穎
「砰!砰!砰…」
一連串鎗聲由遠處傳來,仲好似愈黎愈近…
「好…好大堆喪屍呀…」承
「係喎…」穎
「點解會有咁大堆喪屍既…?」聰
「點知呀…不如走先囉…」承
「唔好走住…前面好似有生環者喎…」龍
「生…生環者…仲有…!?」承
「可能會見到呀健架…我去睇下先啦…」龍
說罷,就拎起佢個袋跑過去…
「係啦…點解你要呃佢話無見過呀健呀…?」承問穎
「點解?你認為如果佢得知呀健死左之後,佢仲會唔會留低幫我地呀?」穎
「咁…咁又係…」
「仲有,如果我無估錯,佢個袋入面應該仲有好多鎗…」穎
「咁講都有道理既…」
「係啦…咁我地衣家點呀?」聰
「咪跟佢過去睇睇情況點先囉…」穎
「嗯…」承
第二十三集 新的同伴
2006年10月24日 5:00P.M
「喝…」龍
「砰砰砰砰砰砰砰砰砰…」
龍雙手各揸住一枝UZI SMG對住喪屍掃射
一隻喪屍向佢撲過去,但呀龍只係閃了一下,再還他一腳就把喪屍了結…
「好…好厲害…佢既鎗法,戰鬥力絕對比得上正式軍人…
唔係…什至乎已經超過…常人無可能有咁既實力…」穎心諗
「哈…喂…你睇下,有佢係到我地就乜都唔洗驚啦…」承
「如果唔係敵人咪好囉…」穎好似心有疑慮咁
呀龍左閃右射,很快就已把4分1喪屍清掉…
「嗄…嗄…咁落去唔多掂喎…好多喪屍呀…」龍
呢個時候,喪屍既另一面傳黎一D聲
「(粗口內容),死撚開啦…」
「我D彈用哂咁滯啦…」
「我地衝到出後就搞掂架啦…」
「嗚…呀…好…好痛呀…」
龍聽到後,大叫
「後面班細佬,即刻向後跑,我要擲手榴彈呀…」
另一面傳黎
「OK,比20秒時間我地呀…你頂住先呀!」
「2…20秒…死就死啦…」龍
龍扔下佢果兩枝UZI SMG,由袋中拎出兩枝Thompson M1921
「唉…(粗口內容)啦…今次蝕哂本啦…」
「砰…砰…砰…砰…」
喪屍慢慢向前走,但無一隻喪屍可走近呀龍7步範圍…
另一面傳黎聲音
「OK啦…快D搞掂班(粗口內容)啦!」
「嘻…你班木咀…」龍
說罷,就從袋中取出兩顆手榴彈,然後把兩顆手榴彈分別塞入兩隻喪屍的嘴裹
然後大力把他兩踢開…
「砰…」
喪屍數目只剩下原本的4分之1…
而他們,亦慢慢逃去…
龍立即走上前,睇下果到有無呀健係到…
龍上前,只見4名男少年,其中一個的手部有被咬過的痕跡
「你…你可唔可以救下佢呀…」少年A含淚問龍
「無問題,但你要話比我知有無見過一個叫呀健既細佬?」龍
說罷,又從袋中拿出那張照片
「無…無見過…」少年A
「哦…」龍顯得很失望
但龍也走近受了傷的少年B,打算睇下佢既傷勢…
「哦…只係被咬傷啫…」龍
「係呀…佢啱啱比D喪屍咬左啖…」少年A
「咁無咩問題…我同佢包紮好傷口,好快會無事架啦…」龍
「咪住!」穎跑過去
然後拎起佢把獵刀,指向少年B
「佢一定要死…」穎
「唔…唔好殺死佢呀…佢做…做左D咩呀…佢係我細佬黎架…」少年A
「佢比喪屍咬到,就會變成佢地咁,你係唔係想睇住你細佬變成咁呀…」穎
「…」少年A
穎舉起刀,準備插向少年B的頭部
龍馬上制止…把穎按住
穎知無可能可以戰嬴龍,於是不作出反抗…
「我地可以睇定D情況先再作決定呀!」龍
「哼…你鍾意點就點啦…」穎
少年A走過去,同呀龍自我介紹…
「我叫呀維,佢係我細佬,叫呀軒,另外果兩個係呀虛同呀俊(xx俊),佢地兩個都係精於劍術同刀術既,我同我細佬就係用氣鎗配鋼珠…」說罷,就拎起佢枝氣鎗…
「氣鎗…!?射得死喪屍咩…?」承
「得…仲有好多彈藥添…」維
「唉也…點解我諗唔到呢…」
呢個時候,承又諗起開始時用餐刀同喪屍戰鬥,不免自覺有點戆居…
軒突然不停咳嗽,還吐血…
「唔得啦…佢就變喪屍架啦,一定要殺死佢呀!」穎
「…」龍放開呀穎
穎拎番起佢把刀,準備插死呀軒
維撲向呀穎…
「唔好呀…唔好殺佢呀…」維的眼淚不停流下
「我唔殺佢只會搞到佢殺死我地架啦…」穎
說完,就踢開呀維
穎終於可以再走過去,將軒了結…
承走到軒前面,低著頭,擋住呀穎前進…
「你想做乜野呀…?」穎
「唔好咁呀…夠啦…」承
「我唔想再有人好似呀健咁呀!唔可以殺佢呀!」承的眼淚不停流下
「呀健…呀健?…你地見過佢咩…?」龍
「係…我地係有見過佢…仲同佢一齊上路…但…但點知…」承已說不下去
呀龍概明白發生左咩事…所以唔再追問,只有低頭沉思…
突然…
「嗚…」
「呀…好痛呀…」
承被變了喪屍後的軒咬了一口..........
第二十四集 轉移目的地
2006年10月24日 5:15P.M
「呀…」承慘痛地呻吟
龍立即作出反應,一腳踢向軒的頸部,軒被踢後,轉為攻向呀龍
軒抓向呀龍,龍襯機抓住軒的手,然後再用刀割開軒的喉嚨,黑血全流在地上…
眾人馬上走過去承果邊,承um住手部的傷口…表情極為痛苦…
「你…你點呀…?」穎
「仲…仲頂得住…血亦無…點…點流啦…」承的聲線很微弱
「嗯…」穎低著頭,走到一邊思考…
「不如我扶你呀…」龍
「唔…唔使…我自己行到…」承
說罷,承就自己企起身…
「啪」承再次倒在地上…
「都係比佢扶你啦…」聰
「係囉…」維
「嗯…都好…係喎…你細佬…」承
「算啦…無辦法,當前最緊要都係可以離開呢到…
係喎,我地下一步打算去邊到呀?」維
「我地打算去寶琳警局避難,因為新聞話警局有警察保護…」聰
「寶琳警局…果…果到有好多喪屍喎…我地就係由果到黎架…
果到既警局早就守唔住啦!我地四個好彩走到出黎咋!」維
「咁…咁點算呀?」聰
「去…去觀塘…警…警局呀…」承辛苦地把字慢慢吐出
「係喎…但…但呢到去要去好耐喎…」聰
「唔緊要,我地搵架車先啦…」龍
「你…你識揸車咩?」聰
「揸過下巴士果d車咁啦…」龍
「咁我即刻去搵呀…」聰
跟住,聰就一枝箭咁跑左出去…但佢無留意到,佢忘記帶備鎗械…
「咁我地休息下先啦…」龍
「嗯」承
5分鐘後
「係喎,你帶左d咩鎗黎呀?」維問龍
「唉…原本帶左幾枝,但用得7788啦…蝕哂本呀陰公!」龍
「咁即係有咩鎗呀…?」維
「下…e家得番枝Desert Eagle(63粒彈) ,
FN Five-seven – Belgium(60粒彈)」
「下…得番兩枝咁既手鎗…有咩用呀…」維
呢個時候,龍拍一拍維既肩膀
然後對維露出一個陰險既笑容,說
「係我錯…我唔應該救果四條細佬,搞到我無左好多子彈…」
「…………」維
「死…死火,呀聰有…有…有無…攞鎗出…出去…呀?」承
「佢…佢好似咩都無帶呀…」龍
「唔使驚!我黎!」
「邊個?」龍
「我呀!」
「你係邊呀?」龍
「我係你後面呀!」
「e…你係邊個呀?你幾時係到架?」龍
「…我叫呀凝…我係到好耐啦…今次由我去救呀聰啦…」凝的樣子變得很憤怒
「o…ok…你想我比邊枝鎗你呀?」龍
「唔使,我仲有枝散彈…」凝
「有彈架可…?」龍問
「當然有啦…你睇下…」凝
「砰!砰!砰!」凝向地下連開幾鎗
「夠啦!夠啦…唔好開啦…遲d無彈就pk啦!」龍
「咁我去啦…」凝跟住就跑左出去
「嘻嘻,終於有得出埸…哈哈… 」凝向天大笑…
「佢…佢係咪傻左呀… 」龍
「係…係啩… 」維
但佢地唔知道,其實背後一直有人監視緊佢地一舉一動
「哼…差唔多要開始實行A計劃…」神秘人
佢既耳機傳黎:「唔好住…睇定D先…敵方可能會從中阻止我地既事…」
「唔使驚呀…黎一個…我殺一個…反正你認為有人打得羸我咩!?」神秘人
「唔好咁自大…如果你再係咁…遲早你會比你既自大害死…」
「哼…講完啦嘛…」神秘人
跟住,神秘人就關掉耳機…
「搵邊個落手先好呢…嘻…就佢啦…」
神秘人露出一副令人恐懼既奸險笑容…
如果tenny回我的話我就會放上去
回la回la tenny我等緊你呀,tenny一回我就放5集:86: :86:
佢唔回咁我地其他人點呀？！:16: :08:
你咁惡,我好怕,我一怕,就唔放:48:
我而家回你........................
請你自己先過濾左d粗口字先, 如果唔係我成篇delete左你架.
唔好係到教壞細路.
你差唔多篇篇都會有粗口字, 係貼都貼好d啦.
好囉，回左囉，仲唔快d貼:14:
PS:唔貼既再惡d我都仲有:01: