<第二十六集出左啦>[原創]喪屍之逆襲(少量喪屍post之一，plx sup，thank you)
<第二十六集出左啦>[原創]喪屍之逆襲(少量喪屍post之一，plx sup，thank you)小弟第一次作呢d文章，如果有咩唔好處唔該指點出黎>3<thank you
文章裡既對話會用口語，因為想真實少少，唔想出現『啊，他中槍了，你快來掩護他』呢d咁行既字眼
但其他唔係對話既我會用番書面語
呢個框我會用黎整目錄，因為我驚唔夠位，請版主見諒(如果目錄太多，有可能會係下面加埋)
最後，請大家欣賞同俾d我啦，因為作文真係好需要人地既支持先可以繼續落去
thank you大家
[ 本帖最後由 alex1024 於 2007-4-10 08:58 AM 編輯 ] 第一話 news
『入院人數持續上升，醫院發言人話市民無須驚慌. ..』『無聊......』ham言道
ham，十七歲，住在青衣，父母經常在內地，有一名剛畢業學生，待業中的，一直都是待在家中閒來沒事，今天又再待在家中
『電視節目越黎越無聊啦，完全冇興趣睇......食完呢支煙去訓陣教啦』話畢不久，煙就熄滅，ham就上床睡覺了
[砰!砰!砰!砰!]ham被一陣槍聲吵醒了『媽的.....誰在樓下打war game啦!!』就坐在沙發上繼續看電視
『這是警局呼籲!!請所有仍然生還的市民盡快往最近的警署，那裡有大批警察可以保護市民.....』
『下，災難，香港地振呀又= ="低能』說罷看出窗口，有時ham很愛看著街外想東西
『好無聊咧......咦，做咩籃球場咁多人??』ham樓下的籃球場有十數人在走來走去，都是走得很慢，且有些人在躺下，並流血
『哇，咩事呀，有血既!!!恐怖份子呀』ham想起電視說有災難..........就再開電視看
畫面影著旺角街頭，路上只得數十人慢慢地走動，而且到處都有血蹟並有人受傷後慘叫
大約數十秒後，電視突然只得一遍雪花『搞咩呀.......』此時電話就響起了
ham『喂，邊位』
chris『屎忽鬼，chris呀，而家成街喪屍，你仲係屋企??』
ham『你打黎我屋企我唔係屋企係邊呀....等等，喪屍??成街都係喪屍??講笑搵第二樣喎』
chris『呃你有寶咩，你冇睇新聞架，之前狂入院d粉腸原來就係中左病毒架』
ham『咩病毒呀....生化危機咩.....你而家係邊呀』
chris『唔........我而家係屋企呀呀，你黎左我度先啦，有咩遲d先講啦，88』話筒內只得o都o都聲.........
『死啦.......咁點算呀........生化危機就玩得多，今次真係打喪屍喎.....打飛機咩.......咪啦，拎d武器先』
發現到武器，bb彈機關電槍一支(140粒子彈)，後備bb彈(1000粒)菜刀一把，牛肉刀一把(另外有一d劈唔死人既武器，例如生果刀等等)
『咁就仆得街啦.....拎bb彈射喪屍咩.....菜刀又係冇用既......』ham嘗試打給所有朋友，全部都是無人接聽(但接通)
突然門外走廊聽到有人拍門，但不是ham家的門
『唔係咁快殺上黎掛......』點走呀
ham開可看出走廊的窗，發現有一隻喪屍在走廊走來走去，但未發現ham
『咁樣衰既....雖然都預左架啦............一隻咋嘛，唔理啦，殺出去先啦!!!!!!!』 第二話first war
ham衝出門外，向隻喪屍狂射bb彈(由於電動機槍，不用後拉)但喪屍不但好像是沒事，並向著ham走來，見喪屍沒事，ham便射向喪屍腳，果然喪屍跪低了，可惜腳仍未斷
『頂，都話bb彈冇q用架啦.......都係用刀勁d』話未說完，喪屍正走來，ham拿出了一把餐刀飛向喪屍，插中眼，喪屍停了停就繼續走
『果然餐刀係冇撚用，都係菜刀實際d，仆街啦!!!!!』ham拿著菜刀直線劈落喪屍頸部，爆開一堆血後，喪屍便死去般倒下
『終於搞掂你.....跟著落黎去邊好呢.......搭電梯又驚一開成堆喪屍走入黎......都係行樓梯安全d
沿著樓梯走上去，一直都沒有喪屍出現，到十九樓時前面有隻喪屍正在食一個ham鄰局既屍體
ham心諗:『都抵你死囉，成日嘈生哂，係屋企唱埋d低能歌.....』此時，ham察覺喪屍已經發現他的存在，並開始走近
ham:『又黎!!!食屎啦』ham用腳用力踢向喪屍肚子，然後揮刀劈向喪屍頭部，一堆深綠並發臭的血就沾上ham衣上
ham:『妖，好鬼核突，條友.....被隻喪屍食到不似人形，唔理啦，繼續走啦』
當快到chris家時，見到有兩隻喪屍正在chris家裡拍門，而鐵閘亦被拉開(鎖已被喪屍弄壞)
ham認為兩隻喪屍可能不會夠打，於是在樓梯角位(chris家在樓梯旁)致電給chris:『喂，仆街仔，有兩隻喪屍係你屋企門口拍門呀』
chris:『我夠知啦，點算呀，好驚呀』
ham:『我仲驚過你啦，我係出面呀，我諗左個作戰計劃，但真係要你好敏捷我先救到你』
chris:『點呀，講啦』
ham:『你執哂你認為有用既野，食物又好，武器又好，拎哂之後好快開一開門然後關番度門，我趁呢段時間劈死果兩條仆街』
chris:『佢衝入黎我咪仆街』
ham:『唔會呀，信我啦，你開門時引開左佢既注意力我就劈柒佢，咁咪得囉.....』
chris:『正仆街仔.....雖然係好橋，你真係好劈死佢地至好呀』
ham:『得啦』
兩分鐘後，ham見chris家門開了少許，正當喪屍想拍門進屋時，ham已走到喪屍背後斬擊，兩隻喪屍頭部應聲掉下......
ham:『都話冇事架啦，又唔信我』
chris:『被你個仆街仔嚇死啦，幾驚兩隻野衝入屋呀.......』chris拿著一把菜刀，雙腳正發抖
ham:『頂你，兩隻喪屍都嚇到你咁，頭先我開門隻喪屍行過黎果時我都未驚過啦』
chris:『係呀係呀，我就唔信啦』
ham:『咪講咁多，而家我諗落左樓下先啦，去停車場偷架車啦』
chris:『會唔會好多喪屍係度架.......』
ham:『唔知架........有既話先算啦』
二人就步行落樓下電梯大堂，大堂血蹟斑斑，甚是嚇人，但並無喪屍存在，只有一個保安員的屍首
出了電門，二人發覺剛才在樓上看到的喪屍都不見了，取而代之有一部撞了車並血淋淋的警車
ham:『上架車睇下有咩架生拎都好，有把槍仔玩下都好.....好過係度玩刀』
chris:『如果有隻喪屍彈出黎咪嚇撚死人』
ham:『仆街仔，驚既話我去開囉』
ham就去開了警車後面的門，驚見有隻喪屍在享用一位警察
ham再用同樣方法劈向喪屍，喪屍亦是同樣死法(但喪屍未發覺到ham)
ham:『妖，真係有隻喪屍係度』
chris:『都話架啦，又唔信喎，睇戲都睇得多啦』
ham:『吹得我殺左佢』
二人在警車內不斷翻尋武器，結果有
散彈槍三支(12位子彈，有80粒後備子彈)
黑星手槍兩支(14粒子彈，50粒後備子彈)
警員身上找到的左輪手槍(6粒子彈，15粒後備子彈)
ham:『好彩有帶袋...........如果唔係咁多野點擺呀』
chris:『又會有架警車係度既.....但冇理由得一個差佬架，仲有d差佬去左邊??』
下車後，兩人終於發現斜坡上有兩名身穿警隊制服的喪屍正在走來(銋穈惆拿黥N在旁邊，有數隻喪屍，但並未發現ham他們)
chris:『黎啦，睇下我媲美black cat既槍法啦』
話後chris拿起黑星手槍向其中一隻喪屍(距離二十米左右)開兩槍，全部落空
ham:『妖，死廢柴，咁都叫black cat，等我黎啦』
ham拿起另一支黑星手槍向剛才chris喵準的喪屍開兩槍，一槍中胸口，一槍中額頭，那喪屍便倒下了
ham:『唉，又話自己打war game，打飛機就有你份，black cat喎.........』
chris正想向ham爭論時，發覺身旁剛才正被喪屍咬食中的警員復活，眼看快要撲向ham，ham向後跳了一大步，喪屍掉到地上時，用散彈轟向喪屍頭部
而另一隻喪屍則快要到面前，ham再用散彈轟掉喪屍頭部
ham:『爽呀，散彈槍原來係咁過癮，好彩平時操健身，如果唔係真係被後座力彈開.......』
chris:『咁d槍點分呀......』
ham:『呢層..........我用一支散彈啦，你拎住兩支散彈啦，一人一支黑星，支左輪我拎住，好冇??』
chris:『仆街仔，重果d我拎哂』
ham:『咁我個袋擺唔到散彈嘛，但又擺到手槍，咪你拎住囉，一係一陣其中一支散彈冇哂子彈或者搵到同伴就咩囉』
chris:『.........你條粉腸專搵我笨』
二人就向著停車場方向走去................
下集預告::二人得到了火力強勁的武器後，會如何使用??到了停車場後，他們又會有什麼新遭遇??留意下集..........driver 第三部driver
跨過欄杆後，二人開始踏入停車場的空間。他們眼見雖然有幾部車都是血淋淋的，且有少量喪屍，但不足為懼
ham:『好彩停車場冇我地預期咁多喪屍o者.....前面條屍，咁熟口面既』
chris:『過去睇下囉』
到達屍首面前，原來那屍首是跟二人的同學 － hang
ham:『原來就係佢....好彩唔係熟人....但話哂一場同學』
chris:『小心!!!!!!』hang的突然伸手想抓住ham的腳，幸好chris推了ham向後，看來hang已變成喪屍了
ham:『頂你個肺......差d就俾你捉住左，雖然同你冇咩交情，但.......由我黎了結你啦』
砰的一聲，hang振了一遍，就如剛才一樣倒在地上
在此同時，二人不禁心想，不要再遇到熟人了......再遇到可能變成喪屍的熟人.....可能會變得不敢開槍
ham:『你想坐大d既van仔定係跑車呀』
chris:『可以就當然係跑車啦.....但係你識?車咩』
ham:『都叫做識既.....至少識得令架車行囉』
chris:『咁......果部啦』
chris直指一部rx-7跑車，橙色，附近亦沒有喪屍
正當二人想走到那兩架車面前時，聽到有一些微弱的呼救聲
往呼救聲看，見到有個受了傷的少女被三隻喪屍圍攻，ham見況，用黑星手槍射向兩隻喪屍，正想射向第三隻喪屍時，喪屍已殺死該少女
ham:『仆你個街，射緊你都仲要咬，食屎啦』ham拿著散彈到喪屍後面轟掉他的頭，最後一隻喪屍倒下了
少女倒臥在地上，快要死去的樣子，二人感到無奈
到達rx-7前，檢查好裡面沒有喪屍後，打掉玻璃窗就進入車內
『滋滋~~~』chris:『乜你識爆車既咩』
ham:『睇電影同上網知道係咁整架咋.....唔知得唔得』
半分鐘後，跑車終於開動，ham感到莫名的興奮感覺，但感到緊張之餘，亦為自己其他朋友和親人感到擔心
ham:『我想打多幾個電話，睇下有冇人聽呀』
chris:『你...你鐘意啦，我都打俾我呀媽同家姐睇下佢地係邊』
二人不斷致電給最想救的親友，chris完全不能打通他想找的，ham亦只有一個電話可以打通
ham:『喂，karen，你係邊呀....』
karen:『我係屯門呀......我好驚呀』
ham::『你而家得自己一個人??』
karen:『係呀.....嗚，我父母都死左啦』
ham:『你而家係屯門邊個位置呀，我入黎救你丫』
karen:『我係富健花園呀.........係間日本城既倉庫入面』
ham:『你等我，我而家過黎』
二人即時開車(油缸雖然未滿，但有三份二以上)在停車場一路撞到不少喪屍，怎料，停車場門口卻聚集一大堆喪屍
chris:『點算呀』
ham:『無計啦.....試下撞出去啦』
ham駛車轉了一個圈，然後用最快速度駛向門口，不停的撞到喪屍，情況簡直就像是在喪屍身體上走過
幾經辛苦，終於衝出重圍，但跑車後面的窗爆裂，車身亦血蹟淋淋，頗是恐怖的
二人開始駛車，從青衣出發往屯門.........
下集預告:::青衣與屯門有一大段距離，到底二人在途中發生什麼事情???期待下集，第四部............road 第四集 road
駛了半分鐘左右，經過樓下的巴士總站，見到三個軍裝警員正用機槍跟喪屍搏火
chris:『過唔過去幫佢地手好呀.....我見佢地好似就黎唔夠打咁』
ham:『家下你好好揪咩，第一我地本身已經唔係好多子彈，第二上彈又唔夠快，第三就係如果部車俾人搶走埋咪仆街』
chris:『但係見死不救又好似好衰仔咁喎.....』
ham:『你想做英雄但係會死，定好似我咁，定佢地死哂走去拎佢地既機槍丫』
chris此時知道，ham在事件發生後經歷的一小時，性格開始有所轉變.......
chris:『咁冇計囉........等佢地囉』
ham就停泊車子在稍為隱閉的地方，靜觀其變，ham的作戰計劃是當兩個警察死去時用跑車撞倒喪屍，然後拿走機槍，但是由chris去拿
ham:『果兩條粉腸被人做低左啦，你預備好未呀』
chris:『........我準備好啦』
二人立即將車子衝往喪屍堆(其實只有三十餘隻喪屍，但已非常多)撞倒一堆後，chris快速將機槍搶去，可惜，準備關車門時被喪屍拉住車門
chris:『仆街啦!!!!!!!!』
chris用機槍掃射喪屍堆，立即關門後就開車逃離巴士總站
chris:『嚇撚死我.....無端端俾條粉腸拉開車門....，ham....』
ham:『頭先咪做得幾好.....做咩呀』
chris:『頭先我真係好想救果班警察，如果我地救到佢地既話，佢地有可能唔駛死架.......』
ham:『咪咁撚傻啦，你救左佢地，我地呢架車得二人座位，佢地點都上唔到黎啦，救左佢地放佢地係度都咪又係死，而家唔係扮英雄既時侯呀』
chris怒視著ham數秒後，就放棄了，因為ham實在說得有道理......
車子到達青衣北橋，在橋的尾部，有大批喪屍聚集，數量驚人，而且好像在不斷增加人數
ham:『咁冇計啦.....行船廠上汀九之後入屯門公路啦』
跑車掉頭走往船廠，路上亦有不少喪屍，但數量不足以阻擋車子去路
突然，有一隻看來已經喪屍化的狗隻跳上車子頂部，ham嚇了一跳後，一剎車，狗隻即掉下車，再用車子去前駛，踐踏喪屍狗
ham:『頂你個肺，死仆街喪屍狗，整污糟架車』(其實頭先拎機槍既時侯，已經劃花了車子兼且血淋淋)
二人順利走上汀九橋，一路上撞倒了五隻喪屍，但已經沒有任何恐懼了
ham:『唔知屯門公路有咩野呢......真係有少少眼訓，你真係唔識?車呀??』
chris終於第一次開聲說:『唔識呀，邊似你咁多才多藝呀ham哥』
ham:『咩意思丫死仔』二人開始玩弄著互閹遊戲
chris:『喂，前面果個咩黎架，好似喪屍但大份咁多既，就黎撞落佢度啦!!!小心!!!!!!!』
ham將車子剎停，看著前面的怪物，不禁啞然.......
下集預告:::到底新怪物是什麼，ham他們又會怎樣應付呢??請期待下集----first boss 第五集first boss
第一隻boss怪物，lv2進化喪屍。外形::身高通常都1.95米以上，腐爛沒有普通喪屍般多，但仍有一大陣臭味
心臟外露，咀唇已經完全融掉，五官感應和普通喪屍一樣，但機動力比如一個健壯的普通人，一百米可以跑出11秒多的成績，力量卻沒有一般喪屍強大
(以後文章lv2的喪屍會說是lv2，普通的只說是喪屍)
而這隻lv2的手裡正拿著一個少女的屍體
chris:『個女仔好似係.....好似係家姐呀，＊你老母，俾番家姐我呀!!!!!!!』
chris衝出車門拿著機槍(30粒子彈)向lv2狂射，chris並不知道外露的心臟就是lv2的弱點，況且chris都已經抓狂了
ham:『chris!!!冷靜d呀，唔好咁衝動呀』ham留意到lv2有個外露的心臟，估計應該是殺穴，於是拿了支散彈槍走出去
lv2好像被chris惹怒了，由行慢慢的轉變成跑向chris方向衝去
chris:『＊你老母!!!!!去死啦!!!!!!』ham:『小心呀!!』ham已差不多走到chris旁邊
而lv2與二人距離大約還有8米，ham心知散彈槍應該可以轟爆lv2外露的心臟，所以等快近2-3米時用散彈槍轟過去
chris:『仆街，冇子彈啦(筆者:才三十粒子彈，被你狂轟，沒子彈是理所當然的事情)我同你死過!!!!』說後就起勢想打向lv2，但普通喪屍已是難打非常，何況是lv2
ham沒預料到chris會作出如此的行動，就拉著chris的衣袖將他摔到地上，然後轉身向lv2的外露心臟和頭部各開一槍
果然心臟才是lv2最大的弱點，但lv2只是跪下，並沒有倒下，因為距離還不是太近，所以心臟只是爛掉般
正當ham想走近補多一槍時，chris卻發狂起身衝向lv2，lv2用拳頭將chris打飛，撞倒在車子旁
ham:『你老母臭，我唔發火你當我病貓，打撚爆你個西人心臟』
ham走近一米，近距離轟爆lv2的心臟，lv2便倒下了
chris見狀就從車上拿散彈槍向著lv2的頭部猛轟『還番我家姐俾我呀仆街，＊你老母，死屎屙飯架你，打撚爆你個頭!!!』射完散彈槍的子彈後，就倒在chris家姐身旁嚎哭
ham見這樣的狀況都不想多打擾，殺掉想走近的喪屍後，發現lv2的後褲袋放著銀包(整條褲也不怎有原形了，但仍保存著後褲袋內的銀包)
ham打開銀包查看到底lv2的身份是誰(雖然有可能是不認識的人)拿出身份證看後，ham仆倒在地下，呆著
chris哭泣中留意到ham拿出了lv2的身份證，但對ham的舉動感到疑惑
chris:『做咩呀........ham???』
ham將身份證遞給chris後，chris再次濠哭......不對，根本已經哭得沒有眼淚，只是不停的亂叫
lv2的真正身份，居然是chris的媽媽.......
下集預告:::chris知道世上最親的親人都離世了，會有什麼舉動???ham將會從車內收音機得到大量的信息，而karen會否成功被ham他們救出??留意下集-----real 第六集 real
正當chris伏在屍體上哭泣，ham也回復意志了，用手槍把附近肉眼可見的喪屍都擊倒後，回到車上坐
坐上車後，想起應該聽聽收音機，到底現時最新情況如何，扭開收音機，校到可聽見的頻道後，就傳來聲音......
『.......政府消息....透....露，喪屍既出現係因為某種飲品所引起，而係邊一種飲品政府冇回應到，
議員批評政府完全唔顧及市民安全，警局發言人表示會用盡全力保護臨時避難所，亦希望市民除食用水外唔好飲用其他飲品...
根據調查，而家香港剩番既人數不足受難前一成，而今次既報導將會係最後一次報導，多謝你聽xx電台.....沙沙沙沙』
ham:『咁就冇哂.......都話飲水有益架啦........』ham自言自語地說著
ham點起一支煙後，再次走到chris面前
ham:『行啦.....死者已逝，應該行架啦.....』
chris:『唔.....家姐，呀媽，我應承你地我一定會生存落去.....』說罷就跟ham一起上車繼續渡過橋樑
chris:『多謝你呀....ham，你永遠都係我好兄弟，你救左我一命』
ham:『客咩氣丫......最重要你可以放得低，咁先係勇敢，佢兩個見到你咁勇敢都應該安慰...』
chris:『嗯......』
ham知道，不可以再浪費時間，越是浪費時間，karen的生存機率可能會越低........
由於車子以最快速度行駛，很快就剩下5份一左右，但他們已經快要到達屯門
ham:『不如係前面個個加油站停一停補充下，入埋油就行啦，好冇』
chris:『都好既，反正有d肚餓，去拎d野食都好』
於是二人在加油站停下車，ham就負責入油，chris負責拎食物
半小時後，油入滿，他們亦食飽，帶了幾支水就準備開車，但卻發現有兩隻喪屍和一隻lv2走近
ham:『點解咁多呢d升左級既喪屍架.......』
ham於是拿起手槍，喵準lv2的心臟射了三槍，兩槍中了心臟，再用散彈槍走近lv2向心臟再射一槍，解決兩隻喪屍後就開車了，過程都很快速地進行
到達富健花園時，ham見到日本城有四隻喪屍走來走去，慶幸karen並不是其中一個成員，於是就落車殺掉那四隻喪屍
開倉庫後，卻發現karen並不在裡面，ham便十分心急，嘗試過打karen的電話，但線路繁忙
chris:『定d黎啦，頭先你都見到有四隻喪屍係度啦，話唔定佢走左去第二度呢，周圍搵下啦』
ham:『都係個好主意......但係富健咁大......係邊度搵呀......』
正當了無辦法時，ham在日本城找到了一個大聲公
ham:『試下用呢個好冇』
chris:『但係會引黎好多喪屍喎』
ham:『驚咩丫.......而家又唔係夜晚，有喪屍都見到啦，再講我地又有窗，一係我走遠d講同搵啦，你留番係呢度睇車』
chris:『咁..........好啦』
ham走到四周被大廈圍著的公園，用大聲公說著:『karen，我係ham丫，如果你係度就出黎啦』
karen就並沒有出現，喪屍卻引來了十多隻
ham:『＊.......你係邊呀karen.........』無奈地ham用槍不斷和喪屍駁火
『呀~~~~~~~~~~~"』一陣尖叫聲傳入ham的耳朵中
向聲音的方向望去，發現karen坐在一旁，有兩隻喪屍走近
ham於是用散彈槍從喪屍群中開出一條路，走到karen面前殺掉兩隻喪屍，扶起karen
ham:『有冇事丫，有冇受傷??』
karen:『冇呀........』雙目對望後，二人就相擁在一起，有種失散，然後再尋回
ham:『搵番你真係太好啦....岩岩你去左邊??你唔係日本城既咩，點解左黎』
karen:『冇呀....我係倉庫條縫見到出面有三隻喪屍出面，心知係呢度等你都唔係辦法，寧願係出面跑黎跑去
於是咪係倉度拎三支掃把囉，扑左果三隻喪屍之後就走左出去啦，係度俾喪屍追緊既時侯你就叫我個名，諗住過黎你度果時仆低左，之後你就救左我啦』
ham心諗:::咁點解頭先會有四隻喪屍既??而且照karen咁講，果三隻喪屍應該都仲訓緊係度，點解又起番身......
正當ham在想著大批疑團時，聽到chris從遠方叫著救命，就拉著karen跑到車子那邊
原來有十多隻喪屍走向chris，正當ham想幫手既時侯，一些重機槍聲傳入三人耳中，十多隻喪屍在不夠二十秒就掃清光
太陽快要下山，刺眼的陽光哂進三人的眼晴，神秘男子原來是........!!!!!!
今次會講解完人物介紹同埋而家剩番既子彈
ham
剛中五畢業，待在家中一向沒事做，兩三年前開始和chris操體能，因此體格也頗強健
外形:藍色眼晴(因為戴con)淺啡色頭髮，身材頗瘦
能力::頗好的射擊能力，他的射擊能力在第二集已經顯然可見
高度:1.77米
體重:59公斤
chris
和ham一樣剛中五畢業，由幼稚園已和ham是好朋友，為人為己
外形:綠色con，淺啡色頭髮(因為和ham一起染的)身材適中
能力::比ham更大力，擅長埋身戰(雖然文中完全沒有提過他的埋身戰，更試過被lv2一拳打飛......@@")
高度:1.73米
體重:l67公斤
karen
正在讀中五的女孩，暫時不能說出她的資料(其實不知道XP)
現在ham他們剩下的子彈數目:::::::::
mp5::::13粒子彈(有一支已經沒有子彈，掉了)
散彈槍總共剩下三十多粒
黑星手槍總共剩下三十多粒
左輪手槍沒有用過，仍21粒子彈
下集預告::::神秘男子是誰??他們之後又會去那裡??下集會發生什麼事情嗎??留意下集-----------helper 第七集 helper
『衰仔，點解走左黎富健花園呀!!』神秘男子說道
ham:『你........你係表哥呀輝!!!!估唔到你會係呢段時間出現呀』
呀輝:『嘿嘿，我都估唔到你會係呢度』
ham:『係啦，點解你會有咁多武器既』(呀輝除了拿住了一支重機，後面背著一支ak，一支散彈，更有一大堆子彈)
呀輝:『你唔記得我有同你講過我收藏呢d武器既咩，雖然係犯法』
ham:『係喎......但係....你有咁大堆軍火你唔走佬既』
呀輝:『走鬼走馬咩，你冇聽新聞架，而家世界大部份地方都有喪屍丫，走去邊都死啦，留番係香港搵度冇乜人既地方可能仲安全過出面』
ham:『冇呀.....都冇時間睇新聞，但都唔好係度等死啦，你知唔知政府話去邊度有得離開香港去d安全既地方呀?』
呀輝:『咁我就唔知啦.....知我就唔會係度on99咁啦，知我就去左啦，你個fd就死左啦』
chris心諗:::冇你條粉腸你估我真係會死咩，痴撚線
ham:『咁又係......咁而家有咩打算?』
呀輝:『咪係度匿埋隱世囉........好過唔知去邊好，你係唔係打算周圍搵地方，之後走佬??』
ham:『咁就梗係啦....但係你話你隱世做咩又落左黎既』
呀輝:『係屋企無聊嘛，咪落黎啡下d喪屍囉.......係呢，你諗住走佬就去我屋企拎架生啦，有d架生都方便d』
ham:『會唔會有成堆喪屍架』
呀輝:『你睇下我把野(全部人向他的機槍望去)有一百隻喪屍都唔驚啦』
chris已經有少少不喜歡呀輝，心諗:『我就唔信啦.......真係有一百隻喪屍一定咬得死你個仆街』
呀輝:『不過頭先我遇到有一隻好難打架......好似係進化左既喪屍咁』
ham:『我地都遇到呀.....小心!!!!!』ham向呀輝的方向開了一槍
原來有一隻喪屍打算咬呀輝，幸好ham及時開槍
呀輝:『＊你個奶奶丫........咁你地過唔過黎我屋企先呀，我屋企d野好多有用既都放哂係我搵到既一個鐵皮屋
ham:『鐵皮屋都有@@"咁就去啦』
四個人於是便起程前往呀輝的家，一路上出現了很多喪屍和一些lv2，ham教了呀輝如何對付lv2之後，就一路由呀輝開路
殺出一條血路，清光那些喪屍，二十多分鐘後，終於去到呀輝的家
呀輝:『山門!!!!!呼，終於搞掂，呢度好安全架，你地要唔要飲d咩野食d咩野』
三人都露出一副我很想吃東西的樣子，完全不用言語表達呀輝就去了弄些即食麵和裝一些水，然後開著收音機
當四人吃著即食麵時，收音機傳來了聲音
『政府終於查出今次事件起源是美國的間諜將病毒混入各大飲品中，因為病毒有色素，所以除了水之外所有的飲品均混有病毒
政府呼籲仍生還的市民只飲用水，唔好飲其他飲品，而由於美國受到各國強烈遣責，為了平息眾怒
決定在每個城市放下十隻專門殺害喪屍的改造人，但警告，該改造人沒有意識，純粹是殺戮機器
對任何有活動能力的物體都會作出攻擊，政府呼籲市民如果見到該改造人，就躺下不要動，因為改造人只會對佢睇到移動既物體攻擊......』
呀輝:『咁就仆得街啦，我地連個改造人個款係點都唔知，去得邊樹呀= ="』
ham:『我覺得個改造人應該都係怪人怪相咁架啦.......好有可能狙擊者咁款添，咁樣既話我地更加要搵地方走啦.......』
當他們正在討論的時侯，屋頂卻發出『??』的聲響，四人自然地各自拿著武器，慢慢走出屋外
開了門之後四人就狂奔，因為他們都認為在空曠一點的地方比較有勝算，而且都會減低受傷的機會
但是，他們看到了那怪物後，就呆著了
是一隻和那鐵皮屋差不多高，份量非常大的一頭豬!!!!!!
四人想也不想便向著那巨型的豬隻開槍.......
首先形容左呢個第二隻既boss先預告啦
second boss---fly hunter==豕
其中一種由日本科學家研究出來的怪物(其實不只美國，日本也有份襲擊其他國家，只是還沒有人發現，而當喪屍出現在全地球時，日本也放了他們研究的怪物出來)
外形:::非常巨大，高至三米，並且有一對頗爛的翼
特點:::移動速度驚人，可以用翼飛行，但飛行速度卻又異常地慢，力度卻沒有外表表現出的一般強大，只有大約十歲左右的小孩的力度
亦沒有堅硬的外皮，外皮比想像中薄
作者給fly hunter===豕的感覺:::我根據我中學時既某位學長而想像出來，果位學長有個外號叫高速豬(笑)但力度又好奇怪咁細力，所以就諗到呢個boss
可能會覺得咁多boss真係有少少似係打機既感覺，但我已經盡量整真實少少，多謝你既支持^^
下集預告:::大家會如何對付fly hunter===豕呢，而在不知道敵人的資料下，會如何應付??請收看下位-------the second boss
[ 本帖最後由 alex1024 於 2007-3-6 05:24 PM 編輯 ] 點解冇人回 回下la=.=