德甲孖「堡」難分高下
德甲孖「堡」難分高下(星島)2009年8月9日 星期日 06:30
(星島日報 報道)德甲「升班馬」弗賴堡今晚開鑼戰主場撼漢堡 ，前者剛於德國 盃淘汰依雲斯堡狀態不俗。牌面秤先的漢堡有次席射手奧歷轉投拜仁慕尼黑 攻力大減，上周四始於歐霸盃吃敗仗，事隔兩天又要作客弗賴堡體能上處下風，要全取三分不易，料和波機會更高，筆者建議搭波琴 主勝過關。
事隔四季弗賴堡重返德甲，為免淪為「升降機」他們今夏積極擴軍，羅致了格雷特霍夫射手列辛加，又向冠軍球隊禾夫斯堡 引入中場馬基亞迪，加上從科特布斯 來投的前南韓 國腳車斗里，球隊三綫實力都有所增強。弗賴堡剛於德國盃第一圈作客二比○淘汰依雲斯堡，球隊狀態和默契都算不錯。他們近四次主場對漢堡又有一勝三和不敗佳績，今次主場出擊絕對有力保住和局。
漢堡球員名氣遠勝弗賴堡，惟克羅地亞鋒綫組合已告拆夥，次席射手奧歷轉投拜仁慕尼黑，儘管簽入U21歐國盃神射手馬古斯古治，但級數難與奧歷相比。新加盟的翼鋒薛羅拔圖已年屆三十五活力大減，恐對球隊進攻幫助不大。該隊季初狀態又麻麻，繼德國盃首圈逼和乙組杜塞爾多夫後，歐霸盃第一圈外圍賽次回合主場又以○比一不敵蘭達斯，今晚作客實無把握取勝。
至於波琴主場對慕遜加柏 之戰，波琴今季陣容變動不大，引入斯洛文尼亞前鋒迪迪攻力稍稍提升。對手慕遜加柏有兩名中場主將鮑祖漢和馬高馬連離隊，組織能力有所下滑，今次作客難望全身而退。
頁:
[1]