紅軍欠債托利斯隨時被拍賣
紅軍欠債托利斯隨時被拍賣紅軍欠債托利斯隨時被拍賣
托利斯一次、托利斯兩次、托利斯三次，成交！利物浦當紅射手費蘭度托利斯可能畀人拎去拍賣？唔係講笑，英國權威報章《泰晤士報》尋日爆料，原來利物浦季前大手買入費蘭度托利斯同賴恩巴布，所使既錢係向銀行借貸番黎，如果球會一年內冇還清三千一百五十萬鎊（約四億九千萬港元）債務，兩大球星會被充公拍賣！
利物浦近排高層內訌愈黎愈激烈，球迷對兩位美國老闆亦怨聲載道，就連希斯同吉列季前豪氣買人，原來都係假象！《泰晤士報》就指利物浦買費蘭度托利斯同賴恩巴布既資金，全部都係問銀行借黎，而球隊今年一月為借錢起球場進行債務重組，買人呢三千一百五十萬鎊亦係其中之一，還款期年半，每年利息要成二百八十萬鎊。
據報章專家分析，英超球會好少會借錢買人，多數係動用電視轉播收入，「紅軍」今次做法非常罕見。依家利物浦仲有一年時間去還清條數，理論上以球隊今季歐聯表現，還錢應該係能力之內，不過兩大班主內鬥隨時癱瘓球會行政，如果到時冇還晒錢，銀行就會強行充公拍賣費蘭度托利斯同賴恩巴布，到時肯定成為笑話。 咁就爽了 一定有好多球會想買 托利斯~
頁:
[1]