轉~ 一個電車男的愛情故事
1. 電車男與大美人我叫家俊，是一名矮仔，一位不起眼的男生。由於小時侯大病，因此長得不高，中三時也只有一米四幾高，男仔之中，我絕對算是矮到冇朋友。 興幸到了中五，有一六四, 雖然也是矮，但總算像個正常人。
平時唯一的興趣, 就是打機了, 記得那時很沉迷玩AOC(世紀帝國)。因此開了一個論壇，主要用作跟其他人討論或是相約對戰。剛開的時候人很少，即使最多人的時候，也只有廿多人在線。而且玩AOC大多都是男仔，因此形成了有超過99%都是男會員的情況出現。
daniel: [唔掂wor, 成個論壇都冇個女仔既, 等我介紹個靚女黎做版主吧!]
於是我的論壇有了第一個女版主，她的名字叫若希。
若希做了版主以後，到了自貼區自貼，
g1.jpg (13.25 KB)
2008-8-2 05:46 AM
樣子討好。而且她說她懂得彈鋼琴，讀書成績又好，更是一位模特兒，家住帝庭豪苑，感覺太完美了。
從她的談吐，我感覺是騙人的，我什至懷疑過，跟本就是daniel扮的人妖。
daniel: [點呀, 新來既女版主係咪好正呢! 仲唔快d多謝我?]
mensa: [都唔知係唔係你扮既人妖.]
daniel: [你咁睇我? 我似咁既人咩?]
mensa: [似]
daniel: [估唔到你咁睇我, 唔信我比個電話你打去!]
mensa: [冇需要]
那天，我回到家，若希她很主動地add我msn。 但我始終覺得是騙人的，那裡有這麼多靚女咁得閒玩論壇。為了求證，我問她要了電話號碼。沒想到的，她立即給我，還把她家的電話號碼也給了我。我立即核對，發現和daniel家中電話號並不相同。
但我還是不太相信，便打了過去。
mensa: [喂, 唔該若希]
若希: [嗯, 我係呀!]
mensa: [點解你把聲好似好細個咁?]
若希: [咁點先叫大過?]
mensa: [唔知]
若希: [搵我乜事?]
mensa: [-口- 冇野了, 我誤會左d野, 唔好意思, 無lala打黎阻住你]
若希: [唔阻, 你幾時都可以打黎搵我傾計^^]
沒想到，我們就這樣開始了我們的故事。 2. 與女生聊天
有人說，中學階段沒拍過拖是一種遺憾。但我從中一到中四都是一個矮仔， 沒有人愛，也沒有愛過人。幸好，我有不少朋友。而我以前曾經過著孤獨的日子，朋友對我來說很重要。可能也因為這樣，我很容易相信別人。
我一直覺得愛情難以來到我這種人身邊。直至認識了若希，我才明白愛情是什麼一回事，愛一個人，又是怎樣的。
每當online 時，她總會找我聊天。而我，有事時又會有事通知版主。不過很多時她都是說 : [打比我] [同我傾下計]
起初，我不太想打電話去，也覺得沒什麼好談。而她卻很健談，態度親切。
我身邊的朋友幾乎全都是男性，很難得可以和一個女仔傾談這麼長時間。也許是熟稔了吧，通話次數由一星期一兩次，增加至一星期幾次，而每次將近收線，她也會跟我說: [明天你打比我la]。但很多時也是她致電給我，又有時大家也沒有找對方。第二天她就致電給我問: [做乜昨晚唔打比我?]
老實說，我實在不太喜歡講電話，記得那時有個朋友，他是男仔，每次打比我都講兩三個鐘，可是我是一個不懂得拒絕人的人。很多時打電話給若希也不知道該談什麼，不過她卻總是有說不完的話題，所以也不會悶。
不久後，我也開始了解她多一些。
她的名字叫陳若，是一名混血兒，在土瓜灣的基道中學上學。她很膽小，每天她都要等媽媽兩點收工回家才一起睡覺，什至怕得若自己一人在家，就會連廁所也不敢去。她說她的房間很亂，而她的理由是: [通常靚女間房都係亂]。家中除了她和媽媽外，還有一位後父。後父都對她很好，而她的媽媽，更加把她當做寶，出生而來從來都沒有打過她，從來她說一就是一，像個皇帝女。
這位漫遊的“美女”，平時表面像是很成熟，但思想卻像小孩子。她說她最大的興趣是傾電話和唱歌，即使在人來人往的街上也會突然亨起歌來。而且她是學校的粵曲組人員，很喜歡演大戲, 唱粵曲。 4. 香港女仔好易嫁唔出
大約在認識若希三星期後，她在論壇開了一個這樣的post:引用:
各位~唉~我成世女都唔知點解咁黑嫁~
唔信?你地睇下我ga愛情史未知囉~
我初戀對象係一個插班生~(岩岩個電話突然響~嚇親我)
佢都幾有型嫁~運動方面~好叻~
你知嫁啦~初戀ga女仔~多數都係睇樣=-=
咁我同佢拍拖之後~
佢呃左我個初戀~第一次~之後~佢仲同我好朋友一齊~
搞到我冇埋個朋友~
個衰人同我拍拖ga時候~每兩個星期到~就會問我借錢~
話急用呀~幫朋友借呀~之類~(200至300到啦~)
口話借~當然冇錢還啦~
我係獨生女~所以~由出世到以家~
都冇點捱過~但我同個衰人拍拖之後~
我冬天為佢整溫暖牌~佢唔接受~
情人節~我整朱古力俾佢~叫佢上我屋企食~
佢話打機~唔得閒~
連我生日呀~佢都可以唔記得~唔係佢個妹提佢~佢都唔記得~
之後佢就是但俾左20蚊個妹~叫個妹幫佢買~
有一次~佢d堂姐姐同個衰人ga妹妹打俾我~
話佢d堂姐~堂哥想見下我~
咁我問個衰人~去唔去好~
佢係話~:你唔好去啦~
之後~講左一大堆~佢至話俾我去~
仲加多句~著靚d呀~
去到ga時候~佢地d堂姐呀~堂哥呀~加埋我~成10個人都有~
一齊去打波~佢地分明就玩我~
話我呢野唔好~果樣唔好~個我個男朋友一句聲都冇出!
得佢個妹幫我講幾句野~
唔駛1個鍾~頂唔順~走人
冇耐~佢鍾意左我朋友~
俾我係佢icqinfo踢爆佢~之後個衰 人~佢連一句分手都冇~
就咁冇再同我見面!我真係好想鬧佢一餐呀!
之後~佢又再轉校~所以冇再見佢~果次拍左1年零3個月
果次我都傷得幾重嫁~
果次之後~我對男仔冇晒信心~好討厭男仔~
多得個衰人ga妹妹安慰我~果段時間~佢陪我四周圍行下啦~
散下心~就係咁~我就捱過左果段時間啦~
之後~我學校有個師兄~佢鍾意左我啦~
一開始ga時候~我同佢保持朋友關係啦~好開心嫁~
幾個月之後~我都同佢開始左~
佢有幾次都想鍚我囉~但次次都避開~
同埋拖我隻手ga時候~我都會借d野~
叔開隻手~冇耐~我發覺我同佢之間~有第三者~
個第三者仲要係我第一個男朋友ga妹妹~
我冇怪佢地~因為我俾唔到我男朋友想要ga野~
而佢可以~我同佢拍左兩個星期=-=
各位呀~我點先可以改到對男仔ga態度呀??唔該幫幫我啦~她告訴我, 男友不要她，被她初戀男友的妹妹－阿蚊搶了。我幫不了她，平時msn中，只是知道她的夢想是做Model和嫁得好。
一次傾電話
陳若: [唉~ 而家香港女多男少, 第時都唔知嫁唔嫁得出]
mensa: [你咁靚女, 點會嫁唔出?]
陳若: [呢d野話唔埋, 我希望我23歲時嫁得出. ]
mensa: [你一定嫁得出]
陳若: [你知la, 我好怕比男仔掂到, 咁樣點會拍到拖 ]
mensa: [唔信你一世都係咁, 到時就唔會la]
陳若: [如果我到時真係嫁唔出, 咁點算?]
mensa: [好, 到時你搵我, 我要你, 如果你唔介意既話]
陳若: [好呀, 我唔介意]
mensa: [我未必岩你, 我個樣唔係咁好]
陳若: [通常靚女都唔鐘意靚仔, 只要你對我好, 上進就得!]
那時我很喜歡玩AOC(世紀帝國2)，但卻再沒有玩了。很多網友問我為什麼不再玩了，其實是因為陳若，她不喜歡男仔打機，而且整天要我陪住她，也因此我再沒有打機了。 5. 情人節
情人節前夕。
陳若: [唉哎, 明天係情人節, 情人節都要番學]
mensa: [我都要番學, 個個都要番學la]
陳若: [死喇, 我怕到時見到好多一對對, 得我一個孤玲玲]
mensa: [我都係la]
陳若: [你明天有冇約人? 放學可唔可以陪我?]
mensa: [可以, 簡直係我既光榮!]
陳若: [好呀, 我要收花wor, 旺角睇戲la]
mensa: [哦, 係咁我而家立即訂票]
在這之前, 我從未見過若希真人，之前兩次約她唱K，她也臨時失約了。所以，我不禁有點期待，究竟她真人樣子如何？大概不會醜吧！不過，太靚又會覺得自己配不起，怕被嫌棄。
畢竟自己只是個一米六幾的“電車男”，平時又少出街玩，只會打機。
我一整晚也在想，很夜很夜才能入睡...
第二天一早，她打了電話來。
陳若: [我番學喇, 放學邊度等?]
mensa:
放學後，我立即去了旺角，早了十五分鐘到戲院門口。
4點35分，若希還未到，快要開場，但我又不好意思打電話給她。始終覺得男等女是一種風度。
但再過5分鐘，她還沒有出現，我打了電話給她。
mensa: [喂, 我到左喇, 就開場喇, 你幾時到?]
陳若: [我要遲d先到, 因為同同學傾緊project, 唔好意思]
mensa: [哦, 唔緊要la, 我惟有等多一陣]
陳若: [我會盡快]
又過了半小時，我又打了電話問她。
mensa: [你同同學傾完未? 如果唔得下次先]
陳若: [唔好意思呀, 你再等多陣la, 我地應該就快傾完, 我會盡快過黎]
mensa: [唔駛咁急, 我等你]
又過了一個小時，我開始企得有點累，這時，她打來了。
陳若: [喂, 對唔住呀]
mensa: [下?]
陳若: [我黎唔到]
我有少許失望。
mensa: [哦, 算la]
陳若: [好對唔住]
mensa: [傻la]
陳若: [你鬧我la]
mensa: [唔識鬧人]
陳若: [我寧願你鬧我, 我會好過一d]
mensa: [唔緊要, 你有野做, 你都唔想, 下次先la]
陳若: [你真係好好人, 搞到我唔好意思]
mensa: [始終學校d野緊要]
陳若: [嗯, 你同其他男仔唔同, 你真係好好人.] 6. 老婆?
我也記不起何時開始，每天也會跟她通電話。很多人也說我很傻，會浪費時間陪她，也有人說我是狗公，像是前生未見過女人。沒錯，我是沒什麼女性朋友，但當然不是未見過女人。
可能，她的聲線很迷人吧。
一天，她跟我如常地通電話。
陳若: [我唔識拒絕人.]
mensa: [下? ]
陳若: [有個男仔, 成日約我去街, 我唔知點推佢]
mensa: [識左幾耐?]
陳若: [三個月]
Mensa: [佢想追你?]
陳若: [係呀]
Mensa: [點識?]
陳若:
Mensa: [哦]
Mensa: [係咁我都唔約你去街了]
陳若: [點解?]
Mensa: [無謂自作多情, 令人討厭]
陳若: [都唔係話你, 你同佢都唔同]
Mensa: [點唔同?]
陳若: [我都唔鐘意佢]
Mensa: [你見完我一樣會唔鐘意我]
陳若: [你唔好咁諗la]
Mensa: [咁其實我地乜野關係?]
陳若: [你覺得呢?]
Mensa: [唔知]
陳若: [其實我地而家既關係幾好, 你可以叫我做老婆]
Mensa: [真的嗎?]
陳若: [係呀]
這是我第一次叫人做老婆。 7. 信任(1)
相識了兩個月，開始了兩個星期。我約她去街，她答應了。不過，後來她又臨時打電話來說臨時有事來不了。後來，她跟我說，暫時還是很怕男仔掂佢。我答說，當作普通朋友行街好了，但她卻話遲些吧。
沒多久，她跟我說，在初戀男友的妹妹－阿蚊生日會上，受了很大委屈。
她說，那個阿蚊搶完她的男朋友，又在生日會十多人面前奚落她，令她傷心。
我聽了後，就提議幫她搞生日會，規模要更大，氣勢要壓到阿蚊。陳若很高興，不斷地多謝我。她說到時要穿晚裝，要豔壓全場。而我決定在酒店替她舉行生日會，同時約很多人去，希望可以更有氣派，令她更高興。
需然，在酒店舉行生日會費用高昂，而且那天晚上有很多人都沒有時間去不了。但我還是叫了我所有的學校同學，朋友，什至小學同學，還有我論壇的會員，辛辛苦苦終於叫了四十多人。在同一時間，大家都知道了我跟她的關係。
如此同時，有一個追求陳若的人來了我論壇黎搗亂。我發覺陳若的男性朋友頗多，特別是網上認識的。
有一天, daniel突然約我出來打波，打完波之後，他跟我談了很多關於陳若的...
daniel: [聽講你遲d幫若希佢搞生日wor]
mensa: [係呀]
daniel: [嗯, 我有d野想同你講]
mensa: [講la]
daniel: [建議你唔好為佢搞咁多野了, 佢唔係一個好人]
mensa: [下? 做乜無lala咁講?]
daniel: [我識耐左佢, 發覺佢心腸好惡毒, 而且好假, 同埋又好姣, 佢講既野, 信一成都死]
mensa: [其實有時我都覺得佢講野浮誇左, 同埋佢有時講野嗲d, 都唔代表佢姣]
daniel: [你見過佢未?]
mensa: [未]
daniel: [果然!]
mensa: [你唔係見過佢咩?]
daniel: [其實我果時都係講下, 事實上未見過佢真人.]
mensa: [下?]
daniel: [我之前約過佢兩次, 兩次都比佢放飛機. 同埋我肯定佢唔係Model, 真正既Model應該大把相, 點會貼來貼去都係幾張? 話唔定果幾張相都係假!]
mensa: [唔會掛? ]
daniel: [我勸你唔好幫佢搞咁多野了, 呢個女仔, 最叻利用人, 之前在@@@@識, 都見到佢周圍溝仔, 之後又好快溝第二個]
mensa: [嗯... 無論點, 我答應幫佢搞生日, 講得出就一定要做了. 同埋而家同佢見都未見, 都唔算同佢係乜野關係, 當係為朋友law]
daniel: [我已經提左你, 你自己小心, 將來不要後悔]
回家途中，我不斷地回想daniel的一番說話。最後，我決定坦白地跟陳若說了daniel所說的話。
陳若: [妖~]
陳若: [@@@@@佢!]
陳若: [我係鐘意放佢飛機呀, 係鐘意玩佢呀, 咁點丫? 有膽就係我面前話我! 唔好係我背後打小報告!]
mensa: [其實我都知道你係有講大話law, 同埋你咁樣玩人, 真係唔係幾岩.]
陳若: [你即係信佢la, 話我錯晒la, 咁搵我做乜? 信佢以後唔駛搵我!]
mensa: [我唔係咁既意思]
陳若: [一係而家講88, 一係就信我. 我要我既朋友, 特別係我男朋友, 一定要企我果邊, 無論點都信我, 如果唔係就以後唔好搵我]
mensa: [......]
陳若: [點, 諗成點?]
mensa:
陳若: [咁快d幫我準備個盛大既生日會^^]
mensa: [好, 冇問題.]
有時想番起阿媽話我單純，現在想起又好似係。 8. 信任(2)
陳若的生日是在3月17日。
距離陳若生日的日子越黎越近，就在3月7日，她打電話找我。
陳若: [對唔住呀!]
Mensa: [乜事?]
陳若:[睇黎我又浪費你一番好意了]
Mensa: [什麼事?]
陳若:[學校有個山西旅行, 我想去, 但去10日]
Mensa: [去到幾時?]
陳若:
Mensa:[咁冇辦法la…]
陳若:[你唔信我可以scan我張通告比你睇]
Mensa: [我信你, 唔駛la]
陳若: [真係好對唔住, 或者延期la]
Mensa: [好呀! 仲以為你打算取消]
陳若: [難得有人咁比心機同我搞生日會, 我好開心]
Mensa: [係咁改19號夜晚, ok?]
陳若: [好, 冇問題!]
Mensa: [你會唔會趕唔切?]
陳若: [唔會, 我18號就番香港, 一定到!]
9. 入醫院
到了3月18日，陳若也應該回到香港了。但正當我找她是，無論打到她電話，或是打去她的家中，也沒有人接聽。
找不到她，我開始感到焦慮。如果到明天她沒有出現，那怎麼辦？現在取消還來得及的。
不過當我一想到，陳苦她說很希望有一個盛大的生日會，我應該相信她，所以，我還是決定繼續吧！她應該可以及時趕到的。
可是到了3月19日當天，她最後還是沒有出現過，令到我那天很徬徨。
XXXXXXXXXXXXXXXXXXXXXXXXXXX
第二天，第三天，第四天…每天打電話兩次找她，卻依然是無人接聽。
難道，會是出了什麼事嗎？
一直到第十一天, 電話終於有人接聽了。
Mensa: [喂, 唔該搵陳若la]
??: [佢唔係度wor]
Mensa: [你係佢邊位? 知唔知佢發生乜事?]
??: [我係佢堂妹, 佢係大陸整傷個頭同腳, 入左醫院]
我感到錯愕
Mensa: [佢沒有大礙吧? ]
堂妹: [小事, 應該明天番香港, 我叫佢到時打比你]
Mensa: [哦]
掛了線後，我突然覺得堂妹把聲跟陳若有點似。
第二天, 陳若打來
陳若: [我番左黎喇, 唔好意思我入左醫院, 而家個頭仲痛緊.]
Mensa: [你冇乜事ma?]
陳若: [死唔去. 丫! 係呀, 趕唔切去你幫我搞果個生日會, 真係唔好意思.]
Mensa: [唔緊要, 你都唔想, 最緊要你個人平安番黎]
Mensa: [明天你要番學嗎?]
陳若: [未呀, 仲未好番晒, 請左幾日假]
Mensa: [哦, 咁好la, 休息下]
第二天，食午飯的時候，有點想念她。於是，就打電話給她。想起她應該在家中休養，於是直接打到她家裡去。
Mensa: [喂~ 唔該陳若]
陳媽媽: [陳若? 佢番左學wor]
Mensa: [下? 佢唔係整親個頭同隻腳咩? 咁都仲要番?]
陳媽媽: [佢幾時整親個頭同隻腳? 連我都唔知.]
Mensa: [咁冇野喇, 88]
沒想到，真的沒想到她會編這種大話。害我還這麼緊張的替她舉行生日會，更害我蝕了訂金，害我的其他朋友白到，還害我擔心了她這麼久。
我也實在太蠢了，細想之下，那位所謂堂妹，根本就是她本人吧！她還可以這麼冷靜地說一篇謊話，這個人實在太可怕了。
那時，我終於明白了當日daniel所講的話。
晚上，她打來，我還是接聽了。想聽聽她玩什麼花樣。
陳若: [喂, 家俊]
Mensa: [我係]
陳若:[我好悶呀, 今日訓左成日]
Mensa: [你個頭穿左, 會唔會有疤?]
陳若: [只係聯左3針, 應該冇, 而且比頭髮檔住, 有都睇唔到]
Mensa: [哦~ 咁你隻腳呢? 行唔行到?]
陳若: [行到, 只係仲有少少痛, 同埋行得唔自然]
Mensa: [真係辛苦你了]
之後，我無意中看了基道中學的網頁，發現了那個西安旅行，是去五天而不是她所說的十天。 10. 到外國去
陳若是一個什麼樣的人？大概她是很寂寞吧！因此會很喜歡傾電話，也很想有人陪，也很渴望所有人都對她好，愛佢。
而我，又算是一個什麼樣的人？這大概要問問我的朋友才知道。
我是一個很蠢的人？又應該不算吧！是個很傻的人吧了，正常人比人放幾次飛機就可能會不理她，不信她。可但我不正常，就好像是自己搞的論壇，應該是要摺了，但我還是要堅持下去。沒有人去，就走到幾千個xanga留cm宣傳。 我就是不會輕易認輸，不輕易放棄的人。
我也很心軟，當然很容易相信人。如果有sales向我努力地sell野，即使沒有什麼用，但我也會覺得我不買，他會好hurt。又如果，有同學被全班排斥，我會覺得，我都排斥他，不理他，他會很慘。所以如果其他人無助的時候，我還是會多管閒事去幫忙的。
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
其後，她打來
陳若: [其實我快要到外國讀書]
Mensa: [幾時? 之前都冇聽你提過]
陳若: [今個暑假, 到紐西蘭]
Mensa: [你點照顧到自己?]
陳若: [我都有d擔心, 不過我都係好想去外國!]
Mensa: [唔知你走之前我有冇機會見到你]
陳若: [會, 一定會]
Mensa: [希望la]
陳若: [你咁即係乜野意思? 唔信我?]
Mensa: [……]
11. 難忘的生日(1)
5月份，我的生日。
在4月，我約了陳若兩次，都被她放飛機。我真的心淡了，有兩天即使她打來，我也沒有接電話，但當聽到她的留言，我又心軟。
陳若: [喂, 你係邊呀? 我搵唔到你]
她哭了，最後我還是理她，跟她再聯絡。而且，我跟她已經有了一種習慣，就是把每天遇到的事情，總是會跟對方說。
如常的，跟她在電話聊天。
Mensa: [我就快生日了]
陳若: [係? 幾時?]
Mensa:
陳若: [到時我送生日禮物比你]
Mensa: [咁好? 多謝. 你份生日禮物, 我都未有機會比你.]
陳若: [好呀, 到時交換]
Mensa: [你陪我過生日? ]
陳若: [係呀! 不過我唔熟識你d朋友, 同埋唔鐘意你某d朋友, 特別係daniel!]
Mensa: [這… 有你陪我就夠了, 我可以推左佢地幫我搞果個生日party, 我淨係想見到你]
陳若: [真的嗎? 好呀, 咁我陪你. 第一次見, 我一定要好好準備下]
Mensa: [好呀]
Mensa: [你而家做緊乜?]
陳若: [跳緊彈床, 會高d]
Mensa: [女仔去到你呢個歲數應該冇得再高]
陳若: [邊個講嫁? 之前徐子淇20歲就係咁樣跳, 跳到22歲時, 高左幾cm!]
Mensa: [可唔可以, 唔好跳呀?]
陳若: [點解?]
Mensa: [我之前一直話自己唔高, 但冇同你講, 我其實得164, 你有162, 個高度已經同我好接近. 有d野我想坦白, 我知你都係鐘意高大既男仔, 但我不但唔係, 仲要好矮.]
陳若: [哦]
陳若: [好, 咁我唔跳.]
陳若: [凡事都有例外既, 唔一定要高大先可以做我男人] 12. 難忘的生日(2)
陳若，網名若希，她有兩大興趣。第一，是講電話；第二，是唱歌。她很喜歡唱歌，所以我經常在漫遊張貼她的作品，我很喜歡她唱的歌。
Mensa是我的英文名，而我的另一個網名叫呂布。除了打機，高達模型以外，我就再也沒有其他興趣。
我生日的前一晚，她錄完歌，又send來給我聽。
Mensa: [嗯, 非常好聽!]
陳若: [多謝, 我一陣食完飯會upload上漫遊]
Mensa: [好]
我不想她麻煩，於是幫她upload上去。沒想到，這之後就又出事了。
Mensa: [喂, 陳若]
陳若: [係]
Mensa: [係呀, 你聽日係唔係陪我過生日? 幾點邊度等?]
陳若: [聽日先算, 我而家唔想講電話]
到了第二天, 我打電話找她，她沒有接聽。我一個人回家，跟我妹說，之後，她幫我在msn問… … 引用:
|l*。a|R欣.,.. (11:16) :
你今日唔陪呂布過生日牙．．．？
若希 (11:17) :
我同佢.....有d不和or誤會掛~
|l*。a|R欣.,.. (11:18) :
唔明．．．
若希 (11:19) :
姐係我同佢有d不和同埋誤會囉~
|l*。a|R欣.,.. (11:19) :
所以你唔陪佢過生日
若希 (11:19) :
我都唔知呀
|l*。a|R欣.,.. (11:21) :
哦哦....
若希 (11:22) :
我同佢~唉~其實,真係唔知點好~
|l*。a|R欣.,.. (11:22) :
佢知你唔like佢架喇...
若希 (11:23) :
我冇咁講喎=-=
|l*。a|R欣.,.. (11:23) :
咁你like唔like佢?
若希 (11:24) :
like 地like嫁~
|l*。a|R欣.,.. (11:24) :
遮係都有好感．．？
若希 (11:25) :
但我覺得佢成日問d問題係令我好唔知點咁囉
|l*。a|R欣.,.. (11:25) :
佢問咩..?
若希 (11:26) :
唉~佢d問題呀,我自己都唔知點講你知
|l*。a|R欣.,.. (11:26) :
唔唔.....不如你今日陪佢過丫....好唔好....
若希 (11:27) :
唔好.
我份人平時係好玩得,,但都會有脾氣囉
|l*。a|R欣.,.. (11:28) :
點解唔好....佢好想你陪佢過架
若希 (11:29) :
但我都會有睥氣嫁ma~
佢問d問題,令我覺得唔多想見到佢住~
|l*。a|R欣.,.. (11:30) :
所以之前佢問問下你你就話唔去喇..?
若希 (11:31) :
我本來話去嫁~我禮物都買埋~
但佢前日問左我一條問題,我忍無可忍
|l*。a|R欣.,.. (11:32) :
佢自己都唔知錯乜...
你同佢講我相信佢會改架..
佢因為你唔陪佢好hurt...
若希 (11:32) :
仲有~呂布唔專重我.佢無啦啦post我d歌上論壇
|l*。a|R欣.,.. (11:33) :
係邊??
若希 (11:33) :
唔知呀~有人同我講返囉~
|l*。a|R欣.,.. (11:33) :
我睇唔到...
若希 (11:34) :
咁冇野啦
若希 (11:34) :
但明明有喎
|l*。a|R欣.,.. (11:34) :
我遲d問下佢丫..
若希 (11:35) :
唉~所以~你都係女仔^^你會明我掛~
|l*。a|R欣.,.. (11:36) :
唔唔..
但佢今日生日~_____________~...
若希 (11:36) :
但佢post我首歌上去喎!
若希 (11:36) :
呢樣野~我好興嫁
|l*。a|R欣.,.. (11:38) :
佢因為你之前應承陪佢過...好開心.....
生日冇人陪好hurt架....我試過....
而且佢唔知你點解無啦啦唔陪佢...
若希 (11:41) :
無啦啦俾人問埋晒果d我好唔鍾意聽ga問題~對我係一種唔信任~
無啦啦未得我同意post我首歌上去!對我係一種唔專重!
何況,我係女仔~我忍唔到ga時候,我都會有睥氣嫁
|l*。a|R欣.,.. (11:43) :
我都知既...但男仔唔知咁係錯..
佢知咁你會唔like佢一定唔會問架!!!
今日係佢生日..我諗個個都希望有人陪...
佢覺得就算冇朋友陪唔緊要有你就好足夠
今次暫時放低...同佢好好咁傾下....
若希 (11:48) :
你地個個淨係識得話佢有幾hurt!但有冇諗過我,我係女仔!我都可以有睥氣嫁!
生日大晒咩!我以家發睥氣都冇人理!我唔覺得自己
hurt唔過佢喎!做咩你地一個二個都係咁嫁!企係我個
角度睇下得唔得呀!
|l*。a|R欣.,.. (11:56) :
我知你唔like佢咁做....生日唔係大哂....
但你有冇企係佢既角度諗..
佢知道你陪你好好好開心有你佢可以唔需要其他人陪
當佢諗到好開心既時候你突然同佢講冇心情唔去....
佢自己都唔知做錯d咩........
一個人生日冇人陪...m...點講好...遮係會覺得生日咁重要既日子...
１日咋ma.....點解1日都冇人陪...自己好似好討人厭咁...
你應該知道你對佢黎講....好重要...
你每句話就算係不經意既...
佢都會好在意....
其實你都做過d令到佢好好hurt既事...
點解我地個個咁係咁?因為你hurt佢比佢hurt你既更深...
我唔知呂布有冇同你講過...
若希 (11:58) :
我知佢對我好~咁我受唔起佢對我咁好囉
我發睥氣ga時候.邊個講野.
我都聽唔到嫁啦~
你代我同佢講句生日快樂啦
我去補習.唔講啦
若希 (11:58) :
88~thx你同我講左咁多野~^^!
|l*。a|R欣.,.. (11:58) :
你親口同佢講....佢好想架><
|l*。a|R欣.,.. (11:59) :
唔唔..掰...
牙欣，是我的妹妹，也是我論壇的前超版。每次我最不開心的時侯，就只有找她傾談了。
聽牙欣講完，陳若是嬲我問她聽日陪不陪我，令她覺得我不信任她。還有是不滿意我幫她upload首歌，佢喜歡自己親自upload。
我嘗試哄番她，希望她會陪我過生日。最後她原諒了我，可惜，陳若最後還是沒有出來陪我過生日。
這大概是我最難過的一個生日。 先留言，再睇:55;
最鐘意睇依ｄ野
頁:
[1]
2